پرەزيدەنت توقايەۆ: قازاقستاندا اسىرەۇلتشىلدىققا جول بەرىلمەيدى، ءار حالىقتىڭ ءتىلى مەن مادەنيەتىنە قۇرمەت كورسەتىلۋى ءتيىس
استانا حالىقارالىق فورۋمىنىڭ پلەنارلىق وتىرىسىندا مەملەكەت باسشىسى قاسىم-جومارت توقايەۆ قازىرگى جاھاندىق احۋالدىڭ كۇردەلى ەكەنىنە توقتالىپ، ىنتىماقتاستىق پەن ديالوگتىڭ ماڭىزىن اتاپ ءوتتى.
"جاھاندىق قاۋىپسىزدىككە تونگەن قاتەرگە تەك گەوساياسي تۇرعىدان قاراۋ جەتكىلىكسىز. بۇگىنگى بەي-بەرەكەت كەزەڭدە باستى مىندەتىمىز – ىنتىماقتى ساقتاۋ جانە سىنعان سەنىمدى قايتا قالپىنا كەلتىرۋ"، – دەدى پرەزيدەنت.
مەملەكەت باسشىسى قازاقستاننىڭ سىرتقى ساياساتتاعى باستى قاعيداتى – ءوزارا سىيلاستىق پەن ەگەمەندىكتى قۇرمەتتەۋ ەكەنىن ايتىپ، اسىرەۇلتشىلدىققا جول بەرىلمەيتىنىن باسا ايتتى.
"ءاربىر ەتنوستىڭ ءوز انا تىلىندە سويلەۋگە، ءتول مادەنيەتىن دامىتۋعا قۇقىعى بار. ءبىز قازاقستاندا «بىرلىگىمىز – ءارالۋاندىقتا» قاعيداتىن بەرىك ۇستانامىز. وزگە حالىقتاردىڭ تاريحى مەن داستۇرلەرىن مەنسىنبەۋ – ءبىزدىڭ جولىمىز ەمەس"، – دەدى قاسىم-جومارت توقايەۆ.
