پرەزيدەنت قاسىم-جومارت توقايەۆ جۇڭگو حالىق رەسپۋبليكاسىنىڭ ءتوراعاسى سي ءسزينپيندى استانا اۋەجايىندا سالتاناتتى تۇردە قارسى الدى. بۇل تۋرالى اقوردا باسپا ءسوز قىزمەتى حابارلادى.
— سالتاناتتى ءراسىم كەزىندە قۇرمەت قاراۋىلىنىڭ روتاسى ساپ تۇزەپ، مارتەبەلى مەيمانعا قۇرمەت كورسەتتى. قازاقستان مەن قىتايدىڭ تۋلارى بەينەلەنگەن جالاۋشالاردى ۇستاعان بالالار دەلەگاسيانى ەرەكشە قوشەمەتپەن قارسى الدى، — دەلىنگەن رەسمي مالىمدەمەدە.
ايتا كەتەيىك، جۇڭگو كوشباسشىسى مىنگەن ۇشاق قازاقستان شەكاراسىنان باستاپ ەلورداعا دەيىن قازاقستان رەسپۋبليكاسىنىڭ اۋە قورعانىس كۇشتەرىنىڭ جويعىش ۇشاقتارىنىڭ سۇيەمەلدەۋىمەن ۇشتى.
سي ءسزينپيننىڭ ساپارى اياسىندا استانادا «ورتالىق ازيا – جۇڭگو» اتتى ەكىنشى يندۋستريالىق-ينۆەستيسيالىق ىنتىماقتاستىق فورۋمى ءوتىپ جاتىر.
