2025 جىلدىڭ 4–5 قازان كۇندەرى زەرەندىدە وتكەن «ZEREN photo fest» فوتوفەستيۆالى اياسىندا قازاقستاندىق ب ا ق فوتوتىلشىلەرى ەۇۋ-دىڭ جۋرناليستيكا جانە الەۋمەتتىك عىلىمدار فاكۋلتەتىنىڭ ستۋدەنتتەرىنە شەبەرلىك ساباعىن وتكىزدى. ءىس-شارانى ەۇۋ-دىڭ اقپاراتتىق ورتالىعى مەن جۋرناليستيكا جانە الەۋمەتتىك عىلىمدار فاكۋلتەتى ۇيىمداستىردى. فوتوفەستيۆال ۋنيۆەرسيتەتتىڭ 30 جىلدىعىنا وراي ءوتتى.

فەستيۆالگە الەۋمەتتىك جانە ينفراقۇرىلىمدىق دامۋ جونىندەگى پرورەكتور ءلاززات تولەگەن قىزى، جۋرناليستيكا جانە الەۋمەتتىك عىلىمدار فاكۋلتەتىنىڭ دەكانى نۇرجان قۋانتايەۆ، «National Geographic Kazakhstan» جۋرنالىنىڭ ءفوتوتىلشىسى ەربولات شادراحوۆ، «ەگەمەن قازاقستان» گازەتىنىڭ ءفوتوتىلشىسى ەرلان وماروۆ، ق ر پارلامەنتىنىڭ فوتوتىلشىلەرى تالعات تانىبايەۆ پەن جانداۋلەت ءومىرحان ۇلى، «قازاۆتوجول» اق وكىلى قالجان تۇرسىنبايەۆ، «ەگەمەن قازاقستان» گازەتىنىڭ جاۋاپتى حاتشى ورىنباسارى الماس ماناپ، اقپاراتتىق ورتالىقتىڭ باسشىسى ەربول ەردەنبەك جانە وقىتۋشىلار مەن ستۋدەنتتەر قاتىستى.

قۇتتىقتاۋ سوزىندە ءلاززات تولەگەن قىزى فەستيۆالدىڭ بيىل ءۇشىنشى رەت ۇيىمداستىرىلىپ وتىرعانىن اتاپ ءوتتى:

«ءداستۇرلى «ZEREN photo fest» – ستۋدەنتتەر ءۇشىن جاڭا ءبىلىم مەن تاجىريبە الۋدىڭ، ال فوتوتىلشىلەر ءۇشىن كاسىبي تاجىريبە الماسۋدىڭ تاماشا الاڭى. ءبىز بۇل شارانى تابيعات اياسىندا وتكىزۋىمىزدىڭ وزىندىك ءمانى بار. مۇنداي ورتا شىعارماشىلىق ادامدارعا شابىت بەرىپ، قالا تىرشىلىگىنەن دەمالۋعا مۇمكىندىك تۋعىزادى. بارشاڭىزعا جەمىستى جۇمىس، جاڭا يدەيالار مەن جاقسى كوڭىل-كۇي تىلەيمىن»، – دەدى پرورەكتور.

جۋرناليستيكا جانە الەۋمەتتىك عىلىمدار فاكۋلتەتىنىڭ دەكانى نۇرجان قۋانتايەۆ قاتىسۋشىلاردى بايقاۋ ەرەجەلەرىمەن تانىستىردى:

«فەستيۆال اياسىندا ستۋدەنتتەر ءوز تالىمگەرلەرىنىڭ جەتەكشىلىگىمەن تۇسىرگەن فوتوسۋرەتتەرىن ۇسىنادى. بايقاۋ جۇمىستارى «پەيزاج»، «پورترەت» جانە «فوتورەپورتاج» جانرلارى بويىنشا باعالانادى. قورىتىندىسىندا قازىلار القاسى ۇزدىكتەردى انىقتايدى»، – دەدى ول.

فەستيۆال بارىسىندا ماماندار ستۋدەنتتەرگە فوتوونەر، جاڭالىق دايىنداۋ، باسپا ءسوز رەليزدەرىن ازىرلەۋ سياقتى تاقىرىپتاردا شەبەرلىك ساباقتارىن وتكىزدى.

بايقاۋ قورىتىندىسى بويىنشا گران-پري يەگەرلەرى – «National Geographic Kazakhstan» جۋرنالىنىڭ ءفوتوتىلشىسى ەربولات شادراحوۆ جانە ونىڭ شاكىرتتەرى ەلدار وبايدۋللين، جانسايا سلاموۆا، زارينا تايلاق پەن بەكنۇر قاراگۇل اتاندى.

ءبىرىنشى ورىندى «ەگەمەن قازاقستان» گازەتىنىڭ ءفوتوتىلشىسى جانە جاۋاپتى حاتشى ورىنباسارى ەرلان وماروۆ پەن الماس ماناپ، سونداي-اق ولاردىڭ شاكىرتتەرى – ەركەجان سانسىزباي، ەراسىل نۇرلىبەك ۇلى جانە ءالي ابدىبەك ۇلى يەلەندى.

ەكىنشى ورىنعا تالعات تانىبايەۆ پەن جانداۋلەت ءومىرحان ۇلى باستاعان توپ – باۋىرجان ءومىرزاقوۆ، مانسۋر ياحۋدينوۆ، كاميلا مولداحمەتوۆا، اياجان مەنتاي، ەركەناز كەڭشىلىكوۆا جانە ايسۇلۋ سەرىكوۆا يە بولدى.

ۇزدىك ۇشتىكتى قالجان تۇرسىنبايەۆ پەن ونىڭ كومانداسى – مارات باۋىرجان جانە اسقار سەيىلبەك تۇيىندەدى.

«ۇزدىك فوتورەپورتاج» نوميناسياسىندا ەرلان وماروۆ، الماس ماناپ، ەركەجان سانسىزباي، ەراسىل نۇرلىبەك ۇلى جانە ءالي ابدىبەك ۇلى جەڭىسكە جەتتى.

«ۇزدىك پورترەت» نوميناسياسىندا تالعات تانىبايەۆ پەن جانداۋلەت ءومىرحان ۇلى، سونداي-اق ولاردىڭ شاكىرتتەرى – باۋىرجان ءومىرزاقوۆ، مانسۋر ياحۋدينوۆ، كاميلا مولداحمەتوۆا، اياجان مەنتاي، ەركەناز كەڭشىلىكوۆا جانە ايسۇلۋ سەرىكوۆا جەڭىمپاز اتاندى.

«ۇزدىك ءفوتوتىلشى» نوميناسياسىندا ەربولات شادراحوۆ پەن ونىڭ شاكىرتتەرى – ەلدار وبايدۋللين، جانسايا سلاموۆا، زارينا تايلاق جانە بەكنۇر قاراگۇل يەلەندى.

جەڭىمپازدار ديپلومدارمەن جانە ەستەلىك سىيلىقتارمەن ماراپاتتالدى.