بيىل قونايەۆ قالاسىندا 16 جاڭا ايالداما قويىلدى. ءقازىر ولار سيفرلاندىرىلىپ جاتىر. 

اكىم جاڭا تەحنولوگيالاردىڭ ەنگىزىلۋ جۇمىسىمەن تانىستى. جولاۋشىلار كولىگى جانە اۆتوموبيل جولدارى ءبولىمىنىڭ باسشىسى باعدات الييەۆتىڭ سوزىنشە، ءار ايالدامادا 4 بەينەباقىلاۋ كامەرالارى ورناتىلعان. ولار 30-50 مەترگە دەيىن ادامنىڭ بەت-الپەتىن، كەز كەلگەن ءىس-قيمىلدى جاقىنداتىپ كورسەتە الادى. 

«ۆانداليزممەن كۇرەس ءۇشىن كامەرالاردى ورناتىپ جاتىرمىز. جاقىن ارادا ولاردى جەدەل باسقارۋ ورتالىعىنا قوسامىز. سوندا مەملەكەت مۇلكىن بۇلدىرگەندەردى تەز ارادا تاۋىپ الۋعا مۇمكىندىك تۋادى»، - دەدى ول.

سونىمەن قاتار نىساننىڭ ىشىندە تەلەفوندى قۋاتتاعىشتار مەن اۆتوبۋستاردىڭ باعىتتارىن، قوزعالىسىن كورسەتەتىن باعدارلاماسى بار مونيتور قويىلعان. تەگىن Wi-Fi ورناتۋ ماقساتىندا ءىرى كومپانيالارمەن كەلىسسوزدەر جۇرگىزىلۋدە. 

«ايالدامالار اۆتوبۋستار جۇرەتىن ۋاقىتتا عانا اشىق بولادى. بۇل - تازالىقتى، قوعامدىق ءتارتىپتى ساقتاۋ ءۇشىن جاسالاتىن امال»، - دەدى ءبولىم باسشىسى.