تانىمال بلوگەرلەر - ەرلى-زايىپتى جانابىلوۆتەرگە قاتىستى قىلمىستىق ءىس قوزعالدى. بۇل تۋرالى قارجىلىق مونيتورينگ اگەنتتىگى ءتوراعاسىنىڭ ورىنباسارى جەڭىس ەلەمەسوۆ مالىمدەدى.
بۇعان دەيىن جانابىلوۆتەردىڭ ءىسى بويىنشا اپپەلياسيالىق سوتتىڭ وتىرىسى وتكەن بولاتىن. سول كەزدە سۋديا بلوگەرلەردىڭ ارەكەتىندە قىلمىستىق جاۋاپكەرشىلىك بار دەگەن شەشىمگە كەلدى. وسىعان بايلانىستى قارجىلىق مونيتورينگ تاعى تەرگەۋگە كىرىستى.
"ماتەريالدار بىزگە ءتۇستى. قازىرگى كەزدە 214-باپ بويىنشا قىلمىستىق ءىس تىركەلدى. تەرگەۋ باستالدى. ماتەريالدار كۇنى كەشە عانا تۇسكەن، سوندىقتان بلوگەرلەرگە قاتىستى شارانى ءالى قابىلداعان جوقپىز"، - دەدى ەلەمەسوۆ سەناتتاعى بريفينگتە.
ونىڭ ايتۋىنشا، جانابىلوۆتەر ەلدە ءجۇر. تەرگەۋ شارالارى ەكى ايدىڭ ىشىندە اياقتالۋى قاجەت.
ايتا كەتەرى، قىلمىستىق كودەكستىڭ 214-بابى (زاڭسىز كاسىپكەرلىك) بويىنشا 20 000 ايلىق ەسەپتiك كورسەتكiشكە (2025 جىلدا - 7 864 000 تەڭگەگە) دەيiنگi ايىپپۇل سالۋعا نە سول مولشەردە تۇزەۋ جۇمىستارى، يا بولماسا، 600 ساعاتقا دەيىنگى قوعامدىق جۇمىستار نە ەكi جىلعا دەيiنگi مەرزiمگە باس بوستاندىعىن شەكتەۋ نەمەسە سول مەرزىمگە باس بوستاندىعىنان ايىرۋ جازاسى قاراستىرىلعان.
ەسكە سالايىق، ەربولات جانابىلوۆ پەن ەلميرا تولەگەنوۆا الەۋمەتتىك جەلىدەگى پاراقشالارىندا 10 كولىكتىڭ ۇتىس ويىنىن جاريالانعان.
