قازاقستاندىق پروديۋسەر جانە مەدياتۇلعا بايان الاگوزوۆا جۇبايى، كاسىپكەر تۇرسىن الاگوزوۆپەن بىرگە رەسپۋبليكالىق رەفەرەندۋمعا قاتىستى.
بايان الاگوزوۆا داۋىس بەرۋگە نيەتتى ەكەنىن Instagram پاراقشاسىنداعى وقىرماندارىنا الدىن الا حابارلاعان. ستوريستە ول جۇبايىمەن بىرگە ۋچاسكەگە بارا جاتقانىن ايتىپ، جاڭا كونستيتۋسيا جوباسىنداعى كوپتەگەن تارماقتىڭ وزىنە قولايلى ەكەنىن اتاپ ءوتتى.
كەيىن ەرلى-زايىپتىلار رەفەرەندۋم ۋچاسكەسىنە بارىپ، داۋىس بەرۋگە قاتىستى.
قازاقستاندا جاڭا كونستيتۋسيا جوباسى بويىنشا رەفەرەندۋم بۇكىل ەل بويىنشا ءوتىپ جاتىر. الماتىدا تاڭەرتەڭنەن باستاپ تۇرعىنداردىڭ بەلسەندىلىگى جوعارى بايقالىپ، ءبىرقاتار ۋچاسكەدە داۋىس بەرۋگە كەلگەن ادامداردىڭ كەزەگى قالىپتاستى.
داۋىس بەرۋگە مادەنيەت، سپورت، بيزنەس سالاسىنىڭ وكىلدەرى مەن قوعام قايراتكەرلەرى دە قاتىسىپ جاتىر. ولاردىڭ كوپشىلىگى ۋچاسكەلەرگە وتباسىلارىمەن بىرگە كەلگەن.
