«قايرات» فۋتبول كلۋبىنىڭ تۋىن اياققا باسىپ تۇسكەن  سۋرەتى ءۇشىن مس سايلاۋبەك كلۋب ويىنشىلارى مەن جانكۇيەرلەرىنەن كەشىرىم سۇرادى. بۇل تۋرالى «قامشى» پورتالى  Vesti.kz-كە سىلتەمە جاساپ حابارلايدى.

ول ءوزىنىڭ ينستاگراممداعى پاراقشاسىندا: "قۇرمەتتى قايرات فۋتبول كومانداسى @f.c.kairat جانە ونىڭ جانكۇيەرلەرى! اقتوبە فۋتبول كومانداسى "قايراتتان" جەڭىلگەن سوڭ مەنىڭ استىما تۋدى ادەيى لاقتىردى، ادام كوپ بولعان سوڭ، اجيوتاج بولعان كەزدە استىمدا نە جاتقانىن بايقاعان جوقپىن! دۇرىس تۇسىنىڭىزدەر! كەشىرىم سۇرايمىن!"، - دەپ جازدى.

ەستەرىڭىزدە بولسا، عالامتوردا اقتوبەدە وتكەن «قايرات» پەن «اقتوبە» كلۋبتارى اراسىنداعى ويىندى تاماشالاۋعا كەلگەن «ءانشى» مس سايلاۋبەكتىڭ ستاديوندا «قايرات» كلۋبىنىڭ تۋىن اياعىنا باسىپ تۇرىپ تۇسكەن سۋرەتى جاريالانعان بولاتىن.

الايدا، مس سايلاۋبەكتىڭ بۇل «كەشىرىم سۇراۋى» ءوز ايىبىن شىنايى ءتۇسىنىپ، وكىنگەندىكتەن گورى، ويلانباي جاسالعان وسپادار قىلىعىن وڭاي جۋىپ-شايا سالۋ نيەتىنە كوپ ۇقسايتىن سياقتى.