بۇدان بىلاي قازاقستاندىق پوليسەيلەر جول-قوزعالىسى ەرەجەسىن بۇزعانداردىڭ كولىگىن سوعىپ توقتاتا الادى، - دەپ حابارلايدى «قامشى» پورتالى كolesa.kz-كە سىلتەمە جاساپ. 

وسىنداي وزگەرىستەر وتاندىق زاڭناماعا ەنگىزىلدى. باسىلىمنىڭ مالىمەتىنشە، تاياۋدا "قازاقستان رەسپۋبليكاسىنىڭ كەيبىر زاڭنامالىق اكتىلەرىنە قۇقىق قورعاۋ ورگاندارىنىڭ قىزمەتىن جانە قۇقىق قورعاۋ قىزمەتىن وتكەرۋ ءتارتىبىن جەتىلدىرۋ بويىنشا وزگەرىستەر مەن تولىقتىرۋلار ەنگىزۋ تۋرالى" زاڭى جاريا بولدى. 

قۇجاتقا سايكەس، "قۇقىققورعاۋ قىزمەتى تۋرالى" زاڭنىڭ 60-بابى بىرنەشە پۋنكتپەن تولىقتىرىلدى. مۇندا پوليسەيلەردىڭ ارنايى قۇرالدارمەن فيزيكالىق كۇش قولدانۋ ءتارتىبى قاراستىرىلعان. وندا بىلاي دەپ جازىلعان: "قىزمەتكەرلەر كەلەسى ارەكەتتەرگە بارۋعا قۇقىلى ... بروندالعان ماشينالار جانە وزگە دە ارنايى كولىك قۇرالدارى ... ەگەر جۇرگىزۋشى قىزمەتكەردىڭ زاڭدى تالابىن ورىنداماسا كولىك قۇرالىن ءبۇلدىرۋ ارقىلى توقتاتۋعا".

ايتا كەتەيىك، بۇل باپ ءتارتىپ ساقشىلارىنا "كۇش قولدانۋعا قۇقىق بەرەدى، ونىڭ ىشىندە كۇرەستىڭ جاۋىنگەرلىك ادىستەرى، سونىمەن قاتار كىسەن سالۋ، رەزەڭكە تاياق، جاس اعىزاتىن قۇرال، جارىقدىبىستى قۇرىلعىلاردى پايدالانۋعا قۇقىق بەرەدى، ... زاڭ بۇزۋشىلاردىڭ قىلمىسىنىڭ الدىن الۋ ماقساتىندا قاجەت بولسا، زاڭ بۇزۋشىنىڭ ءاتى-جونىن انىقتاۋدا، سونىمەن بىرگە اكىمشىلىك قۇقىقبۇزۋشىلىق تۋرالى حاتتامانى وقيعا ورنىندا تولتىرۋدا". 

زاڭنىڭ 10 قاراشادان باستاپ كۇشىنە ەنەتىنى ايتىلادى.