ەلباسى نۇرسۇلتان نازاربايەۆتىڭ ۇلىبريتانيا جانە سولتۇستىك يرلانديا بىرىككەن كورولدىگىنە بۇگىن باستالاتىن رەسمي ساپارى باراسىندا ءبىرقاتار ماڭىزدى قۇجاتتارعا قول قويىلماق. بۇل تۋرالى «قامشى» پورتالى حابارلايدى.
رەسمي ساپاردىڭ العاشقى كۇنى، ياعني 3 قاراشادا قازاقستان رەسپۋبليكاسى مەن ۇلىبريتانيا جانە سولتۇستىك يرلانديا بىرىككەن كورولدىگى اراسىنداعى ءوزارا قۇقىقتىق كومەك تۋرالى كەلىسىمگە، قر-ى مەملەكەتتىك قىزمەت ىستەرى جانە جەمقورلىققا قارسى ءىس-قيمىل جونىندەگى اگەنتتىگى مەن ۇلىبريتانيا مينيسترلەر كەڭەسى حاتشىلىعى اراسىنداعى ءوزارا تۇسىنىستىك تۋرالى مەموراندۋمعا، ۇلىبريتانيانىڭ استانادا وتەتىن ەكسپو-2017 حالىقارالىق كورمەسىنە قاتىسۋى تۋرالى كەلىسىمگە، ەلىمىزدىڭ ۇلتتىق بانكى مەن TheCityUK كورپوراسياسى جانە ەۋروپا دامۋ جانە قايتا قۇرۋ بانكى اراسىنداعى «استانا» حالىقارالىق قارجى ورتالىعىن قۇرۋ مەن دامىتۋ بويىنشا ارىپتەستىك تۋرالى، «قازترانسگاز» اق-ى مەن قر-دا گازقۇبىرى مەن ءتورت گازترۋبينالىق ەلەكترستانسياسىن سالۋشى تاۋەلسىز ەنەرگەتيكالىق كورپوراسيانىڭ ارىپتەستىگى، كومپانيەي William Hare Limited، «ينەرگازستروي»اق جانە «اتىراۋنەفتەماش» ج ش س اراسىنداعى ءوزارا تۇسىنىستىك تۋرالى ءۇش جاقتى مەموراندۋمدارعا، ساۋدا—ەكونوميكالىق، عىلىمي-تەحنيكالىق جانە مادەني-الەۋمەتتىك ارىپتەستىك بويىنشا قازاق-بريتان ۇكىمەتارالىق كوميسسياسى 2-وتىرىسىنىڭ حاتتاماسىنا قول قويىلادى دەپ جوسپارلانۋدا.
بۇل قۇجاتتار نەگىزىندە جۇزەگە اساتىن جۇمىستاردىڭ جالپى سوماسى 3،8 ميلليارد اقش دوللارىن قۇرايدى.
ءبىلال قۋانىش
لوندون
پىكىر قالدىرۋ