"تاڭ" تەلەاراديوكومپانياسى اتاۋى مەن فورماتىن وزگەرتەدى، - دەپ حابارلايدى «قامشى» پورتالى Tengrinews.kz-كە سىلتەمە جاساپ.
كومپانيانىڭ ءوز سەرىكتەستەرىنە تاراتقان قۇجاتىنا سايكەس، 15 قاراشادان باستاپ "تاڭ" تەلەارناسى ءوز اتاۋىن "ون-تۆ" دەپ وزگەرتەدى. وتاندىق تەلەارنانىڭ قايتا تىركەۋگە تۇرۋى تۋرالى كۋالىگىن ق ر ينۆەستيسيالار جانە دامۋ مينيسترلىگىنىڭ بايلانىس، اقپاراتتاندىرۋ جانە اقپارات كوميتەتى 2015 جىلدىڭ 22 قىركۇيەگىندە بەرگەن.
تەلەارنا رەداكسياسىنىڭ وكىلدەرى كومپانياداعى وزگەرىستەر جايلى ازىرشە پىكىر بىلدىرمەي وتىر. الايدا، ارنا اتاۋىن ارنا فورماتىنىڭ اۋىسۋىنا بايلانىستى وزگەرتىپ جاتقانى ايتىلعان.
قازاقستاننىڭ جەكە تەلەكومپانياسى 1990 جىلدىڭ جەلتوقسانىندا قۇرىلىپ، ءۇش ايدان كەيىن الماتى ەفيرىنە شىقتى. "تاڭ" مەدياتوبىنىڭ يەسى 2002 جىلدىڭ 16 قىركۇيەگىنەن بەرى وتاندىق كاسىپكەر ارمانجان بايتاسوۆ. 2014 جىلدىڭ قىركۇيەگىندە "تاڭ" تەلەارناسى رەسپۋبليكاعا تاراتىلا باستادى.
پىكىر قالدىرۋ