قىتايدىڭ «حالىق» گازەتى «حانزۋلار از ۇلتتاردى ءسىڭىرىپ جاتىر» دەگەن كوزقاراسقا وراي مىناداي اقپارات جاريالادى:

جۇڭگو مەملەكەتتىك ۇلتتىق ىستەر كوميتەتىنىڭ باسشىسى دان «از ۇلتتاردى قىتايلار ءسىڭىرىپ جاتىر» دەيتىن پىكىرگە كەلىسپەيتىندىگىن جەتكىزدى. «ءبىز مىناداي ەكى ءتۇرلى تەرىس پىكىرمەن كەلىسپەيمىز. ءبىرى، قىتايشا ورتاق تىلدە سويلەسە قىتايلارعا ءسىڭىپ كەتتى دەۋ، ەندى ءبىرى، ۇلتتىق تىلدە سويلەگەندەردى «ۇلتشىل» اتاندىرۋ. مۇنىڭ ەكەۋى دە قاتە كوزقاراس»، – دەدى ول 17 مامىردا سويلەگەن سوزىندە. مەملەكەتتىك كەڭەستىڭ اتالمىش جيىنىندا تاعى ءبىر ءتىلشى: «مەملەكەتتىك ورتاق پايدالالىناتىن ءتىل-جازۋ مەن از ۇلتتاردىڭ ءتىل-جازۋى اراسىندا قانداي بايلانىس بار؟» دەگەن سۇراق قويدى. دان  بۇل سۇراۋعا: نەگىزگى زاڭ بويىنشا، ءار ۇلتتىڭ ءوز ءتىل-جازۋىن پايدالانۋ جانە دامىتۋ ەركىندىگى بار، سونداي-اق، مەملەكەت بۇكىل ەلىمىز بويىنشا جاپپاي پايدالاناتىن ورتاق ءتىل - جۇڭگو ءتىلىن جالپىلاستىرادى، سوندىقتان بۇل ەكەۋىن بىر-بىرىنە قاراما-قايشى قويماي، دۇرىس ءتۇسىنۋىمىز قاجەت»، - دەپ جاۋاپ بەردى.

قازانشىنىڭ ءوز ەركى قايدان قۇلاق شىعارسا. بىرەۋدىڭ ەلىنە بارىپ «قازاقتاردى ءسىڭىرىپ جاتسىڭ» دەپ وكپەلەۋ اسپانعا تاس لاقتىرعانمەن بىردەي. ونىڭ ورنىنا «قانداستارىمىزدى قايتسەك كوشىرىپ الامىز؟» دەپ باس قاتىرعانىمىز ءجون شىعار.