Elbasy Nursultan Nazarbaev jazýshy jáne qoǵam qaıratkeri Oljas Súleımenovpen kezdesti, - dep habarlaıdy «Qamshy» portaly Aqordanyń baspasóz qyzmetine silteme jasap.

Kezdesý barysynda Qazaqstannyń qarýsyzdaný jáne ıadrolyq qarýdy taratpaý salasyndaǵy qyzmetiniń negizgi baǵyttary talqylandy.

Sonymen qatar Prezıdent Nursultan Nazarbaevtyń Semeı ıadrolyq polıgonyn jabý týraly Jarlyǵyna qol qoıǵanyna 25 jyl tolýy aıasynda ótetin sharalarǵa daıyndyq máseleleri qarastyryldy.

Nursýltan Nazarbaev kúrdeli geosaıası jaǵdaıdy esepke ala otyryp, halyqaralyq aýqymda beıbitshilik pen qaýipsizdik prınsıpterin alǵa jyljytýdyń mańyzdylyǵyn atap ótti.

Óz kezeginde, O.Súleımenov jahandyq ıadrolyq qarýǵa qarsy qozǵalysta memleketterdiń ǵana emes, sonymen qatar qoǵamdyq uıymdardy, azamattyq bastamalardy biriktirý qajettiligine nazar aýdardy.