Qazaqstanda qurastyrylatyn «Nıva» avtokólikterine Birikken arab ámirlikterinen suranys artqan, - dep habarlaıdy «Qamshy» portaly Ulttyq «Atameken» kásipkerler palatasyna silteme jasap.

Qazaqstandyq kólikti Birikken arab ámirlikterine shyǵarý týraly usynysty palataǵa «BIPEK AVTO Qazaqstan» JSHS Aqtaý fılıaly jasaǵan. Buǵan deıin taýardyń shyǵarylǵan jeri týraly sertıfıkasıadan týyndaǵan problemalardyń saldarynan Birikken Arab Ámirlikterine óskemendik avtokólikterdi eksporttaý múmkin bolmaǵan. Mańǵystaý oblysy Kásipkerler palatasynyń atalǵan túıtkildi sheship, otandyq kóliktiń eksport máselesin sheshken kórinedi.

«Bizdiń sheteldik seriktesimiz kelesi avtokólik toptamasyn satyp alýǵa qyzyǵýshylyq tanytty. Bul jetkizilim týraly sóz qozǵaǵanda birqatar uıymdastyrýshylyq máselelerdiń basyn ashýda qol ushyn sozǵan Mańǵystaý oblysy Kásipkerler palatasynyń atqarǵan mańyzdy rólin aıta ketý kerek. Bul biz úshin, sózsiz, biregeı tájirıbe bolmaq. Birikken Arab Ámirlikteriniń naryǵyna shyǵý bizdiń josparymyzda bar bolatyn, endi mine, ol jaqqa avtokólikterdi jetkizý birinshi ret sátti júzege asty», – dedi «BIPEK AVTO Qazaqstan» JSHS Aqtaý fılıalynyń dırektory Asqar Bulanbaev.

Alǵash ret «BIPEK AVTO» Aqtaýdaǵy fılıaly óz avtokólikteri toptamasyn Túrkimenstannyń ońtústigindegi Mary qalasyna jóneltken bolatyn. «Nıva» avtokólikterin satyp alýshylar tabylyp jatqanyn aıta ketý kerek. Odan keıin Aqtaýǵa Arab Ámirlikterinen de satyp alýshylar kele bastaǵan. «BIPEK AVTO – AZIA AVTO» kompanıalary tobynyń aldynda Qazaqstan men Reseı aýmaǵyndaǵy fılıaldyq jelini damytý tájirıbesine súıene otyryp Mońǵolıa, Qyrǵyzstan, Ózbekstan, Túrkimenstan jáne Tájikstanda budan kem túspeıtin joǵary deńgeıdegi rıteıl uıymdastyrý mindeti tur.