Jaqynda Elbasy Nursultan Nazarbaev Almatyǵa sapary barysynda «Grand park» saýda ortalyǵynda bolyp, bıznes nysanynyń jumysymen tanysqany belgili. Sol saýda ortalyǵyn salǵan qurylysshylar búgin eńbekaqylaryn daýlap narazylyq aksıasyn uıymdastyrdy, - dep habarlaıdy «Qamshy» portaly Tengrinews.kz – ke silteme jasap.

Almatydaǵy Altynsarın dańǵyly men Qabdolov kósheleriniń qıylysynda ashylǵan saýda ortalyǵyn salýǵa qatysqan sýbmerdiger kompanıalardyń 60-qa tarta jumysshysy jalaqylaryn berýdi talap etýde. Olar ótken jyldyń qarasha aıynan beri eńbekaqy kórmegenderin aıtyp otyr.

«Úsh aı boıy «Grand park» ǵımaratyn saldyq. Nysan qurylysyn ýaqytynda bitirý úshin kún-tún demeı jumys istedik», - deıdi qurylysshylardyń biri Qaırat Zakereev.

Merdiger kompanıa basshylyǵy bolsa, atqarylǵan jumys úshin tapsyrys berýshiler tolyq eseptesip bolmaǵanyn aıtyp, aqtalýda.

«Biz osy jerdegi «Altyn bazar» ǵımaratynyń qurylysynda boldyq. Bastapqyda sýbmerdiger retinde jumys istedik, keıin bas merdiger retinde shaqyryldyq. Barlyq jumystar saýda ortalyǵyn ótkizetin ýaqytqa úlgirý úshin jyldam salyndy. Biz jumysty aıaqtaýǵa jaqyndaǵanda tapsyrys berýshiler tarapynan shaǵymdar paıda bola bastady. Biz barlyq shaǵymdardy sheship, nysandy ótkizdik. Biraq, atqarylǵan jumystar týraly aktige áli qol qoımaı otyr», - deıdi merdiger kompanıa «SK-Grýpp NS» JSHS jetekshisi Nıjat Bazakov.

N. Bazakov 60 jumysshynyń aldyndaǵy qaryz 10 mıllıon teńge kóleminde ekenin aıtqan. Sonymen qatar, alynǵan qurylysqa qajet materıaldardyń aqysy da tólenbegen.

«Grand park» ákimshiligi bolsa, jumystyń sapasyz ári ýaqytynan keshigip atqarylǵanyn aıtýda.

«SK-Grýpp NS» pen «Kantrı-stroı» problema týǵyzyp otyr. Búginge deıin ýaqytynda tólem jasalyp keld. Biraq, qazirgi ýaqytta atqarylǵan jumystar týraly aktiler jabylmady. Oryndaýshylyq qujattama áli kúnge deıin usynylmady. «SK-Grýpp NS» dırektory telefonǵa múldem jaýap bermeıdi. Jumys kólemi tapsyrylmady. Bul olardyń óz jumystarymen ishki máseleleri. Biz solardyń sapasyz jumysy úshin shyǵynǵa battyq. Olar jumystaryn tolyq atqarmaı, nysandy tastady da ketip qaldy. Mundaǵy jumysty basqa adamdar aıaqtady. Bizde 100-den astam merdiger kompanıalar bar. Biraq, solardyń birimen másele bolmapty», - dep otyr «Grand park» saýda ortalyǵynyń ákimshiligindegiler.