AQSH-dyń qazirgi Prezıdenti Barak Obamanyń bıografıasyn jazýshy Djoan F. Praıstyń jazýynsha ol Afrıkadan kelgen stýdenttiń tastandy balasy edi. Endi mine, álemdegi eń alpaýyt eldiń tiziginin ustap otyr. Obama bul kúnge qalaı jetti? Ol úshin jazýshy Djoan F. Praıstyń jazǵandaryna nazar aýdaryp kórelik.

         1936 jyly Barak Obamanyń ákesi úlken Barak Obama Kenıadaǵy bir sharýanyń otbasynda dúnıege keledi. 1959 jyly ol Gavaı ýnıversıtetine kelip oqýǵa túsedi. Dál osy jyly 18 jastaǵy Ann Dýnham – Barak Obamanyń sheshesi de kelip osy ýnıversıtetke qabyldanǵan. Til tabysqan ekeýi kóp uzamaı úılenedi. Sodan 1961 jyly qazirgi AQSH Prezıdenti Barak Obama dúnıege keldi. 1963 jyly ákesi Garvard ýnıversıtetiniń grantyn jeńip alyp, Ann men Barak Obamany Gavaıǵa tastap ketedi ári sol ketkennen Afrıkaǵa tóte jol tartady. Keıbir derek kózderine negizdelgende úlken Barak Obama óte talantty adam bolǵanymen araqqa qatty salynǵan. 1971 jyly Gavaıǵa qaıta oralǵan úlken Barak Obama balasyn kórip qaıtýǵa keledi. Bul kezde bolashaq Prezıdent 10 jasta edi, týǵan ákesi men bar-joǵy bir aı ǵana birge bolady. 1967 jyly Ann Dýnham Indonezıalyq stýdent Lolo Soetoro men otbasyn qurady. Ári sol jyly jańa otbasy Indonezıanyń Jakarta qalasyna qonys aýdarady. 1971 jyly Barak Obama Gavaıǵa qaıta oralyp naǵashy ata-ájesimen birge turady. 1979 jyly ol Los Anjeles Batys Kolejine oqýǵa túsedi. Ekinshi kýrs oqyp júrgende alǵash ret top aldyna shyǵyp sóz sóıleıdi. 1981 jyly ol Nú Iork qalasyndaǵy Kolombıa ýnıversıtetine aýysady. 1983 jyly ýnıversıtetti aıaqtaǵan jas maman túrli qoǵamdyq qyzmetterde bolady: kosaltıng kompanıasynyń kómekshi qyzmetkeri; Chıkagoda áleýmettik uıymdastyrýshy. 1988 jyly Garvardtyń zań mektebine qabyldanǵan Obama sabaqqa kirisýden buryn ákesiniń týǵan eli Kenıaǵa jol tartady. Ol onda óziniń túp-tórkinimen tereńirek tanysyp qaıtady. Zań mektebindegi ekinshi jylynda ol 104 jyldyq tarıhy bar Garvard Zań Sholýy jýrnalynyń prezıdenti bolyp taǵaıyndalady. Ol bul jýrnaldyń birinshi afro-amerıkandyq prezıdenti edi. 1991 jyly oqýyn tamamdaǵan Obama Chıkagoǵa qaıtyp baryp azamattyq quqyq zańdary máselesimen shuǵyldanady. 1995 jyly ol óziniń «Ákemnen bastaý alǵan arman» atty  birinshi kitabyn shyǵarady. Kelesi jyly ol Illınoıs shtatynyń senatyna Demokrattar atynan saılanady. 2004 jyly Obama Amerıka tarıhyndaǵy besinshi qara násildi senator bolyp saılanady.

2006 jyly ol óziniń AQSH Prezıdenti saılaýyna qatysý oıyn bildiredi. Osy jyldyń 23 qarasha aıynda Taım jýrnaly «Nege Barak Obama kelesi prezıdent bolýy múmkin?» degen taqyryppen onyń sýretin muqabaǵa basty. 2008 jylǵy Prezıdent saılaýynda Barak Obama Hıllerı Klınton jáne Djon Edvardsty basyp ozyp, Amerıka qurama shtatynyń 44-shi prezıdenti bolyp saılanady.

Alpaýt el – Amerıka, ózniń ekonomıkasymen, áskerı qýatymen, ozyq mádenıetimen ǵana uly emes, ol óziniń adam quqyǵyn qorǵaı biletin, ár azamatqa óz armanyn is júzine asyrýǵa múmkindik beretin gýmanıtarlyq zańdarymen, qoǵamdyq teń quqyqtylyǵymen de uly. Barak Obama «meniń jeńisim basqa kez kelgen elde múmkin emes edi» deıdi. Asyra aıtsada, onyń shyndyqtan aýyly tym alys emes. Kez kelgen memleket óz azamatyna teń quqyqty orta jaratyp bere almasa, onda ol memleket óz halyqyna uıatty.

Aýdaryp, ázirlegen Bıbol Álipbaı 

"Qamshy"