«Arqankergen» shekara beketiniń sońǵy shekarashysy tiri kúıde tabyldy» dep habarlaıdy «Interfaks-Qazaqstan».
«Keshe ol shekara beketine ózi keldi. Ózimen birge tapanshasy boldy. Onyń psıhıkasy buzylǵan sıaqty, meńireý qalyp tanytty», - dep jetkizdi agenttik derekkózi. Áskerı qyzmetkerdiń sózine qaraǵanda, ol osy ýaqyttar boıy jaqyn mańaıdaǵy úńgirde jasyrynǵan kórinedi.
30 mamyrda «Shyǵys» shekara qyzmetiniń aımaqtyq basqarmasy Úsharal shekara otrády «Sary bókter» zastavasynyń shekara jasaǵy taý arasynan jaz mezgilinde 15 shekarashy qyzmet etetin «Arqankergen» shekara beketiniń órtengen ǵımaratyn tapqan edi. Onda janyp ketken 13 adamnyń súıegi tabyldy. Keıinnen taǵy eki shekarashynyń denesi men beketke jaqyn mańda ornalasqan orman qoryqshysynyń máıiti tabyldy. Oqıǵa ornynda Shekara qyzmetiniń dırektory, general-maıor Nurjan Myrzalıevtiń basshylyǵymen jáne QR İİM-niń Bas áskerı prokýratýrasynyń ókilderi men mamandarynyń qatysýymen jedel izdestirý toby jumys isteýde.
Pikir qaldyrý