Helsınkıdegi perzenthananyń tórt akýsheri túngi kezekshilik kezinde azottyń shala totyǵyn qoldanyp, odan keıin áıelderdi bosandyrýǵa kómektesken, - dep jazady QazAqparat YLE teleradıokompanıasyna silteme jasap.

Fınlándıa astanasyndaǵy Kätilöopisto aýdanyndaǵy perzenthanada turaqty kelisimshart boıynsha jumys isteıtin eki akýsher áıel qyzmetten shyǵaryldy. Buǵan deıin aýrýhanada taǵy da eki akýsherdiń ýaqytsha eńbek kelisimsharty uzartylmaıtyny habarlandy.

Dúısenbi kúni Kätilöopisto aýrýhanasy tórt akýsher áıeldiń kezekshilik kezinde «kóńil kóteretin gazdy» qoldanyp, odan keıin júktilerdi bala bosandyrǵany týraly habarlaǵan bolatyn.

«Aýrýhana bul óte kúrdeli jaǵdaı dep sanap, basqa amalymyz bolmady. Biz osylaı bolǵanyna ókinish bildiremiz», - dep málimdedi aýrýhananyń bas dárigeri Mıka Nýýtıla.

Akýsher áıelderge qatysty qandaı da bir basqa jaza qoldanylmaıdy. Dárigerdiń aıtýynsha, mundaı oqıǵalar buryn oryn almaǵan. Ol gaz ıiskegen akýsherlerdiń pasıentter qabyldaýy olardyń ómirine qaýip tóndirgenin  atap ótti.

«Abyroı bolǵanda, eshteńe bolǵan joq. Analar da, balalary da din aman», -dedi ol.