Novosıbırskide shirkeý qyzmetshisi jolǵa talasyp qalyp, júrgizýshini soqqyǵa jyqqan, - dep habarlaıdy «Qamshy» portaly sibkray.ru-ǵa silteme jasap.

Oqıǵa jeksenbi kúni bolǵan. Vadım Malsev esimdi júrgizýshi jol bermeı qoıǵan kólikke kelip, júrgizýshisimen sóılesken. Ol birden Malsevke dúrse qoıa bergen.

«Men kóliktiń júrgizýshi jaǵynan keldim. Ol oń róldi mashına bolatyn. Júrgizýshige «Jol erejesi kim úshin jazyldy?» degenim sol edi bylapyt sózdermen jaýap qatty. Sózge kelip qaldyq. Ol da mashınadan tústi. Meni boqtaǵanyna tózbeı bas kıimi men kózildirigin sheship alyp, bir qolyna ustattym da shashynan tartyp qaldym. Osy kezde kóliktiń artynan pop shyqty da, krespen basymnan bir qoıdy», - deıdi V. Malsev.

Oqıǵa ornyna polısıa shaqyrylǵan. Shirkeý qyzmetkeri men onyń júrgizýshisi de polısıaǵa qarsy aryz túsirgen.