«EKSPO-2017» nysandarynyń josparyn Gıtler sáýletshisiniń uly jasaǵan, - dep habarlaıdy «Qamshy» portaly informburo.kz – ke silteme jasap.

Bul týraly «Astana EKSPO-2017» ulttyq kompanıasynyń eks-basshysy Talǵat Ermegıaev jáne bir top azamatqa qatysty ótip jatqan sot otyrysynda «Korporasıa K» AQ-y basqarma múshesi Shoqan Mataıbekov málimdegen.

«Men osy jobany jasaýǵa tartylǵa sheteldikterdiń únemdeý men qolaılylyqqa mán bermegenine narazy boldym. Buǵan álemnen 25 adam tartyldy. Olar tanymal, uly sáýletshiler. Árqaısysyna 100 myń dollardan bólindi. Al, jergilikti sáýletshilerge jobalardyń ázirligine bastamashyldyq turǵyda ǵana qatysýǵa múmkindik berildi», - degen Sh. Mataıbekov sáýletshilerdiń biri Gıtlerdiń jeke sáýletshisiniń uly ekenin aıtyp salypty.

«Albert Shpeer - tanymal tulǵa. Ol álem astanasy atanǵan Berlınniń josparyn jasaǵan. Al, kishi Shpeer munda qalaı tap bolǵany túsiniksiz. Oǵan jobanyń testilik nusqasyna tapsyrys berildi, al, konkýrstyń basqa oryndaýshylary sonyń jumysyn aıaǵyna deıin jetkizýge tıis boldy. Barlyq 25 adam kishi Shpeerdiń ıdeıalaryn aıaǵyna deıin jetkizýmen aınalysty. Al, onyń "Munaıdyń sońǵy tamshysy" ıdeıasy – tolyqtaı absýrd», - deıdi Sh. Mataıbekov.