Almatydaǵy «Aqkent» turǵyn úı kesheniniń birneshe turǵyny baspanasyn bosatý týraly sot oryndaýshylarynyń talabyn alǵan. Alaıaqtarǵa aldanǵan turǵyndar turǵyn úı keshenin salǵan «Ayt Housing Complex» kompanıasynyń aldynda qaryzǵa belsheden batyp otyr, - dep jazady «Qamshy» portaly ratel.kz – ke silteme jasap.

ratel.kz kompanıa páter somasyn bólip tóleý týraly mindetteme alyp 500 shaqty otbasyn «Aqkent» turǵyn úı keshenine ornalastyrǵanyn jazady. Turǵyndar, kún ótken saıyn aı saıynǵy tólemderiniń 50-60 myń teńgege artyp kelgenin, búginde olardan aı saıyn 300 myń teńge tóleý talap etilip otyrǵanyn aıtady.

Al, 11 sáýir kúni sot oryndaýshylary aı saıynǵy tólemge shamasy kelmeıtinderdiń páterlerin bosatýyn talap etken. Buǵan narazy bolǵan turǵyndarbúgin  «Ayt Housing Complex» JSHS keńsesiniń janynda beıbit mıtıń uıymdastyrdy. Mıtıńke «Aqkentte» turatyn kelinshekter kelgen. Ol jerde kóp aıaldamaǵan turǵyndar Almaty ákimdiginiń aldyna bardy. Qoldaryna «Baıbek, Kómektes! Stop vyselenıý!» degen ótinish jazylǵan plakat ustaǵan kelinshekterge qala ákimdiginńi apparat jetekshisi Murat Sembekov pen ákimniń turǵyn-úı qatynastaryna jaýapty orynbasary Rýmıl Taýfıkov shyǵyp, sóılesti.

Turǵyndardyń ótinishin tyńdap, jaǵdaılarymen aýyzsha tanysqan Rýmıl Taýfıkov eshkim «Aqkenttikterdi» páterlerinen shyǵara almaıtynyn ashyp aıtqan.

«Sizderdi eshkim (páterlerińizden – red.) shyǵara almaıdy! Bul meniń jáne qala ákiminiń sózi. Shyǵarýǵa árekettenip kórsin... Sizder bizdiń azamattarymyzsyzdar!», - dep turǵyndardyń kóńilindegi kúdikti seıiltti.

Ákimdik keshendi salǵan qurylys kompanıasy men turǵyndardy bir stol basyna jınap, máseleniń mán-jaıyn anyqtaýǵa kirisip ketti.