Halyqtyq komýnıstik partıa atynan saılanǵan depýtat Vladıslav Kosarev Premer-mınıstr Kárim Másimovke saýal joldap, jerdi aýksıon arqyly satýdan buryn, ony paıdalaný qaǵıdalaryn tártipke keltirýdi usyndy, - dep habarlaıdy «Qamshy» portaly.

«Qazaqstan Úkimeti naryqtyq lıberaldy qatynastardy aýylsharýashylyq jerlerin aýksıonda jeńildikpen satý arqyly odan ári tereńdetýge tyrysýda. Munyń artynda paıda tabý múddesi turǵanyn túsinemiz. Biz, komýnıs-depýtattar, Úkimetti jer máselesine qatysty ustanymyn qaıta qaraýǵa shaqyramyz», - deıdi ol.

Esterińizge salsaq, Ulttyq ekonomıka mınıstri Erbolat Dosaev aýylsharýashylyq maqsatynda paıdalanylatyn 1,7 mln gektar jer bıyl satylymǵa shyǵarylatynyn málimdegen. Bul bastama el turǵyndary men memleket jáne qoǵam qaıratkerleri tarapynan qarsylyqqa tap bolyp, birqatar tulǵalar Elbasy atyna ashyq hat joldaǵan edi.