Ál-Farabı atyndaǵy QazUÝ delegasıasy Sıan kólik ýnıversıtetiniń 120 jyldyǵyna arnalǵan is-sharalarǵa qatysty, - dep habarlaıdy «Qamshy» portaly.

2016 jylǵy 6-10 sáýir aralyǵynda Qazaq Ulttyq ýnıversıtetiniń rektory Ǵ.M.Mutanov bastaǵan delegasıa Qytaıda ótken Sıan kólik ýnıversıtetiniń 120 jyldyǵyna arnalǵan is-sharalarǵa qatysty. Mereıtoı aıasynda álemdik deńgeıdegi ýnıversıtetterdiń kórmesi, mereıtoıǵa arnalǵan konferensıa, álemdik deńgeıdegi ýnıversıtetterdiń prezıdentteriniń samıti, Jańa jibek joly ýnıversıtetteriniń alánsynyń atqarýshy komıtetiniń prezıdentteri men rektorlarynyń jınalysy sıaqty birneshe sharalar ótkizildi.

7 sáýirde álemdik deńgeıdegi ýnıversıtetterdiń (World-Class Universities Expo) aýqymdy kórmesi ótti. Kórmege Prınston Ýnıversıteti (Princeton University), Oksford Ýnıversıteti (University of Oxford), Stenford Ýnıversıteti (Stanford University) sıaqty búkil álem boıynsha 100-den astam ýnıversıtetter qatysty.  Ál-Farabı atyndaǵy QazUÝ stendine erekshe kóńil bólindi. Osy kúni Sıan qalasynyń meri  mereıtoıǵa arnalǵan  saltanatty qabyldaý ótkizdi.

8 sáýirde Sıan kólik ýnıversıtetiniń sporttyq stadıonynda mereıtoıǵa arnalǵan saltanatty konferensıanyń ashylýy ótip, ashylýǵa 20 myńnan astam adam qatysty. Sondaı-aq, bul kúni 100-den astam álemdik deńgeıdegi ýnıversıtetterdiń rektorlary qatysqan samıt uıymdastyryldy. Samıt barysynda ýnıversıtetterdiń mindetteri jáne mádenıetterdiń ártúrliligi, aqparattyq dáýirdegi joǵary bilim berýdiń múmkindikteri men qıynshylyqtary, jahandyq aýqymdaǵy daryndy stýdentterdiń utqyrlyǵy sıaqty kóptegen máseleler qarastyryldy.

9 sáýirde Jańa jibek joly ýnıversıtetteriniń Alánsynyń atqarýshy komıtetiniń prezıdentteri men rektorlarynyń jınalysy (The President`s Summit for Executive Committee)  ótti. 2015 jyldyń mamyr aıynda Sıanda 26 memlekettiń  86 joǵarǵy oqý oryndarynyń ókilderi atalǵan Alánsty qurǵan bolatyn. Qol qoıylǵan Sıan deklarasıasyna sáıkes, ýnıversıtetter Alánsynyń basty maqsaty bilim berý salasyndaǵy yntymaqtastyqty damytý úshin ortaq alańdy qurýǵa, mádenıetter men ulttar arasyndaǵy dıalogty  damytýǵa, sondaı-aq, Jibek jolynyń ǵylymı beldeýi negizinde kadrlardy daıyndaý, ǵylymı zertteýler, mádenı qarym-qatynas sekildi salalarda ýnıversıtetter arasyndaǵy yqpaldastyqty tereńdetýge baǵyttalǵan. Bul jıynǵa Mılan polıtehnıkalyq ýnıversıtetiniń, Sıan kólik ýnıversıtetiniń, Gonkong Polıtehnıkalyq ýnıversıtetiniń, N.E. Baýman atyndaǵy Máskeý memlekettik tehnıkalyq ýnıversıtettiń jáne ál-Farabı atyndaǵy QazUÝ rektorlary jáne t.b. ýnıversıtetterdiń basshylary qatysty. Jıyndy Sıan kólik ýnıversıtetiniń prezıdenti profesor Van Shýgo (Wang Shuguo) ashty.

Kún tártibine sáıkes Alánstyń hatshysy bir jyl ishinde júzege asyrylǵan sharalarǵa toqtaldy. Kezdesýde Alánstyń ýnıversıtetteri arasynda jelilik nysanyndaǵy yqpaldastyǵy, Halyqaralyq stýdenttik jazǵy mektebiniń ótkizilýi jáne t.b. máseleler talqylanyp, Atqarýshy komıtettiń qatysýshylarynyń pikirtalasy oryn aldy. Jınalystyń qorytyndysy retinde Alánstyń jarlyǵy men Sıan kelisimi qabyldandy. Alánstyń kelesi otyrysy 2016 jyldyń qarasha aıynda Gonkong Polıtehnıkalyq ýnıversıtetiniń (The Hong Kong Polytechnic University) 80 jyldyǵyna oraı ótkiziletindigi josparlandy. Kezdesý kezinde Batysqytaılyq ǵylymı jáne tehnologıalyq habynyń (Science and Technology Innovation Harbor) ashylýy jarıalanyp, Jibek joly qorynyń (Silk Road Foundation) negizi salyndy.

Mereıtoıǵa arnalǵan is-shara barysynda Sıan kólik ýnıversıtetiniń (Xi’an Jiaotong University) ókilderimen, onyń ishinde ýnıversıtet rektory profesor Van Shýgomen (Wang Shuguo) kezdesýler ótkizildi. Kezdesý barysynda taraptar eki ýnıversıtet arasyndaǵy yntymaqtastyqtyń nysandary men baǵyttary boıynsha pikir almasty. Atalmysh ýnıversıtettiń ókilderi stýdentter, magıstranttar jáne  PhD doktoranttarǵa arnalǵan halyqaralyq stıpendıalyq baǵdarlamalar usyna otyryp, ál-Farabı atyndaǵy QazUÝ-men tyǵyz qarym-qatynasty damytýǵa múddeli ekendigin bildirdi. Ál-Farabı atyndaǵy QazUÝ rektory Ǵ.M.Mutanov óz kezeginde Jańa jibek joly ýnıversıtetteriniń alánsynyń halyqaralyq IT-tehnoparkin qurýdy usyndy. Bul QazUÝ aıasynda qurylatyn sýperkompúterlik esepteý ortalyǵynyń negizinde qalyptastyrylady.

Sonymen birge Gonkong Polıtehnıkalyq  ýnıversıtetiniń prorektorymen jáne halyqaralyq departamenttiń dırektorymen kezdesý boldy. 2016 jyldyń qarasha aıynda ótetin Gonkong Polıtehnıkalyq  ýnıversıtetiniń 80 jyldyq mereıtoıy aıasynda ótkiziletin Alánstyń ekinshi otyrysyna jáne Aláns ýnıversıtetteriniń rektorlary men prezıdentteri  Alánsynyń forýmyna ál-Farabı atyndaǵy QazUÝ ókilderi shaqyryldy. Atalǵan baılanys mańyzdy bolyp tabylady, óıtkeni álemdik reıtıńte, onyń ishinde "Jahandyq bilim berý"  baǵdarlamasy aıasynda joǵarǵy oryndy ıelenetin ýnıversıtetpen birlesken jobalardy júzege asyrý kóptegen múmkindikterdi ashady.

Jalpy alǵanda, delegasıanyń jumysy qytaılyq uıymdarmen jáne álemdik deńgeıdegi aldyńǵy qatarly ýnıversıtettermen tyǵyz qarym-qatynas ornatýǵa sebeptigin tıgizdi.