«Jolaýshylar tasymaly» aksıonerlik qoǵamy temirjol bıletteriniń qymbattaıtynyn málimdedi, - dep habarlaıdy «Qamshy» portaly.

«QR Ulttyq ekonomıka mınıstrligi tabıǵı monopolıalardy retteý jáne básekelestikti qorǵaý komıtetiniń 2016 jylǵy 14 sáýirdegi qulaqtandyrýy negizinde «Jolaýshylar tasymaly» AQ paıdalaný shyǵyndar baǵasynyń ósýine baılanysty jáne shyǵyndardy azaıtý maqsatynda temirjolda jol júrý bıletteriniń 2016 jylǵy 25 sáýirden bastap qymbattaıtynyn habarlaıdy: oblysaralyq qatynas joldarynda temirjol kóligimen jolaýshylar tasymaldaý barlyq tıptegi vagondar úshin 10 paıyzǵa qymbattaıdy», - delingen kompanıanyń baspasóz qyzmeti taratqan habarlamada.

Kompanıa buǵan deıin tarıftiń 2014 jyly 1 qańtarda 7 paıyzǵa kóterilgendigin de jasyrmaǵan.

Al, «Tulpar-Talgo» poıyzdarynyń bıletterin satýdaǵy arnaıy tarıfter óz kúshinde qalady.