Tanymal sazger, ánshi Ulyqpan Joldasovtyń 1 mamyrda Respýblıka saraıynda ótetin konsertiniń bıletteri urlandy, - dep habarlaıdy «Qamshy» portaly baistars.kz – ke silteme jasap.

Konsert uıymdastyrýshylary men Joldasovtar otbasy endi konsertke keletin kórermennen bıletti endi qoldan emes, Respýblıka saraıynyń kasasynan jáne kassir.kz saıtynan satyp alýdy surap otyr.

Sonymen qatar, Ulyqpan Joldasovtyń jubaıy Aıǵan Joldasova óziniń ınstagram paraqshasynda bılettiń urlanǵanyn rastady.

Esterińizge sala keteıik, Ulyqpan Joldasov mereıtoılyq konsertin aqpan aıynda Astana qalasynda ótkizdi. Al, 1 mamyr kúni Almatyda jańa baǵdarlamamen ekinshi keshti ótkizýdi josparlap otyr. Konsertke MýzArt toby, Mádına Sadýaqasova, Jigitter toby, Álisher Karımov, Tóreǵalı Tóreáli jáne ózge de óner juldyzdary qatyspaq.