Almatyda nemeresinen soqqy jegen keıýana kóz jumdy, - dep habarlaıdy «Qamshy» portaly QazAqparatqa silteme jasap.

Qaıǵyly oqıǵa Almatydaǵy Medeý aýdanynda oryn aldy. 14 sáýirde tańǵy 05:30-da qarıalardyń úıine 26 jastaǵy nemeresi aqsha surap kelgen.

«Balasynyń mundaı qylyǵynan sharshaǵan qarttar jigitke ursyp, suraǵan somasyn bermeı qoıǵan. Sol kezde ashý ústinde nemeresi qart adamdy basynan balǵamen urǵan. 77 jastaǵy qart sol jerde kóz jumǵan. Janjalǵa kılikken ájesi de aýyr soqqy alady. Kóp uzamaı ájeı de qaıtys boldy. Kúdikti ekinshi bólmede jatqan inishegine tıispegen», - delingen Almaty qalasy İİD taratqan baspasóz habarlamasynda.

Odan soń nemeresi úıden 300 myń teńge, 6 altyn buıymdy alyp, oqıǵa ornynan izin sýytqan.

Aıta ketý kerek, qaza bolǵan qarıalardyń shaǵyn dúkeni bolǵan. 

Medeý aýdandyq İİB jedel izdestirý tobyn quryp, qylmystyq is qozǵady.

Osy ýaqytqa deıin tergeý oryndarynan jasyrynyp júrgen 26 jastaǵy azamat tonaý maqsatymen shabýyl jasaǵany úshin qazir ýaqytsha ustaý oqshaýlaǵyshyna qamaldy. Sotqa deıingi tergeý isi bastaldy.