«Ahmetov isi» boıynsha isti bolǵan Qaraǵandy oblysynyń ákimi Qaraǵandy oblystyq sotyna merziminen buryn bosatýdy surap jazǵan ótinishin qaıtaryp aldy, - dep habarlaıdy Qamshy.kz Qaraǵandy oblystyq sotynyń baspasóz qyzmetine silteme jasap.

Baýyrjan Ábdishevtiń ótinishin sot 20 sáýir kúni qaraý kerek bolǵan. Alaıda, ótinish qaralar ýaqyttan bir kún buryn, ıaǵnı, 19 sáýir kúni B. Ábdishev óz ótinishin qaraýsyz qaldyrýdy surap, qaıtadan ótinish jasaǵan. Eks-ákimniń bul áreketiniń sebepteri túsiniksiz bolyp otyr. Olaı deıtinimiz, B. Ábdishevtiń shartty túrde merziminen buryn bostandyqqa shyǵýǵa múmkindigi bar edi.

Eks-ákimniń ótinishin qaraǵan sýdıa Shýjenov ony ózgerissiz qaldyryp, isti Qaraǵandy oblysy boıynsha qylmystyq atqarý júıesi departamentiniń AK-159/1 mekemesine qaıtarǵan. 

10 naýryz kúni apelásıalyq sot 5 jylǵa bas bostandyǵynan aırylǵan B. Ábdishevtiń jazasyn 3 jylǵa qysqartqan bolatyn. Tergeý kezinde jáne sot prosesi barysynda qamaýda bolǵan ýaqyty jaza merzimine qosylady. Ol qamaýǵa alynǵan 2014 jylǵy 27 qyrkúıekten bastap búginge deıin bir jarym jyl temir tordyń ar jaǵynda otyrǵan bolatyn.

Alaıda, B. Ábdishevtiń bul áreketi onyń bolashaqta ózin merziminen buryn bosatýdy surap, qaıta ótinish berý múmkindigin joqqa shyǵarmaıdy.