Óskemenniń Praporshıkovo aýylyndaǵy ózi oqıtyn mektebinen 20 sáýir kúni shyǵyp ketip, úıine sol kúıi oralmaǵan 14 jastaǵy Medet Maratovtyń máıiti tabyldy, -dep habarlaıdy Qamshy.kz  portaly YK-news.kz saıtyna silteme jasap.

Jolǵalǵan balany izdegen polıseıler bir táýilkten keıin onyń máıitin tapqan.

«Polıseıler anasynyń habarynan keıin birden balany izdestirýge kiristi. Shamamen 17:30-da qazan daıyndap shyǵaratyn eski zaýyttyń mańynan balanyń máıiti tabyldy. Onyń denesinen kóptegen pyshaq jaraqattary tabyldy. Birden «Kisi óltirý» baby boıynsha qylmystyq is qozǵaldy. Oqıǵa jedel túrde tergelip jatyr. Kúdikti izdestirilýde», - dep habarlady SHQO İshki ister departamenti baspasóz qyzmetiniń basshysy Baqytjan Torǵaev.

Medettiń anasy ulynyń mektepten eshýaqytta eskertýsiz kesh qaıtpaıtynyn aıtyp, dabyl qaqqan edi. 

«Mektep aýlasynda dostarymen fýtbol oınaıtyn kúnderi ol mindetti túrde keshigetinin eskertip turatyn», - deıdi anasy. Mektepten shyqqannan keıin onyń qaıda bet alǵanyn eshkim kórmegen.

Al, Medettiń synyptastary onyń belgisiz qyzyl kóliktiń júrgizýshisimen sabaqtan keıin sóılesip turǵanyn kórgen.