Jambyl oblysynda eki veloshabandozdy júk kóligi qaǵyp ketip, bireýi oqıǵa ornynda jan tapsyrdy. Al aýyr jaraqat alǵan ekinshi sportshy hal ústinde jatyr, - djep habarlaıdy Qamshy.kz KTK arnasyna silteme jasap.

Jol apaty 22 sáýirde tańǵy saǵat on shamasynda bolǵan. Eki veloshabandozdy júk kóligi basyp ótken. Bireýi sol jerde til tartpaı ketse, ekinshisi jansaqtaý bóliminde jatyr.

Belgilisi, sportshylar "Zıl" men "Kamazdyń" aldynda kele jatqan. Kenetten «Zıl» ekeýin basyp ozý úshin qarsy betke shyǵyp ketken. Sol sátte artynda kele jatqan «Kamaz» tas jolǵa tabandaı almaı eki shabandozdy qaǵyp ótipti.

Kamaz tas joldan shyǵyp ketip, 200 metr jerdegi batpaqqa batyp ázer toqtaǵan. Apatqa ushyraǵan eki azamat velojarystan Qazaqstannyń chempıondary. Olar jýyrda ǵana Qyzylordadaǵy jarystan jeńispen orlaǵan eken. Dene qyzdyrý úshin jolǵa shyqqan kezde apatqa ushyrap otyr.

"Ekeýiniń jasy 18- de edi. Sport sheberleri. Bolashaǵynan úlken úmit kúttirgen. Olar jolǵa bizden buryn shyǵyp ketip, biz artynda kele jatqanbyz. Biraq jarty jolda dońǵalaq jarylyp, sony jóndetýge burylyp kettik. Sol eki arada osyndaı jaǵdaı bolyp otyr", - deıdi jattyqtyrýshy Anatolıı Golovın.

Jantúrshigerlik apattan tiri qalǵan Ábilhaıyr Kósherbaevtyń qabyrǵalary men qoly synǵan. Sondaı-aq, mıyna qatty zaqym kelipti. Al, 36 jastaǵy «Kamaz» júrgizýshisi ishki ister bóliminde tergelýde. Ázirge apatqa naqty kim kináli ekeni belgisiz.