Qazaqstandyq velosıpedshi Talǵat Jumabekov 7 myń shaqyrymdyq velosaıahatynan oraldy. Sportshy sapar barysynda basynan ótken qıyndyqtar men qyzyqtar týraly aıtyp berdi dep habarlaıdy,- dep habarlaıdy Qamshy.kz QazAqparatqa silteme jasap.      

«Qazaqstan qalalarynan bólek Reseı, Daǵystan, Grýzıa, Túrkıa taǵy basqa 7 memlekettiń terıtorıasynan óttim. Jol boıy bolashaqta qajet bolatyn derekti fılmge vıdeomaterıal jınadym. Kaırden Mekkege baram dep em, oǵan vıza berilmegen soń ol josparym oryndalmady», - dedi T.Jumabekov.

Qara jolda saıahatshy palatkada uıyqtaýǵa májbúr bolǵan. Keıde meıirban adamdar úıine de qondyrǵan.

Bıyl veloshabandoz Qazaqstan Táýelsizdiginiń 25 jyldyǵyna oraı tórtkúl dúnıeni aralap shyqpaq. Ol óziniń jańa saparynda musylmandardyń qasıetti jerlerin óz kózimen kórýdi josparlap otyr.