26 mamyrda elimizdiń kınoteatr ekrandaryna Disney stýdıasynyń "Alısa aınanyń arǵy betinde" fılminiń qazaqshaǵa aýdarylǵan nusqasy shyǵady, - dep habarlaıdy  Qamshy.kz portaly Tengrinews.kz  –ke silteme jasap.  

Bul Lúıs Kerrolldyń esten ketpes keıipkerleriniń qyzyqty oqıǵasy jaıly fılm. Alısa óziniń elestetken Jerasty álemine qaıtyp kelip, Qalpaqshyny qutqarý úshin ótken ómirine saıahat jasaıdy. Kartınanyń rejıseri Djeıms Bobın "Alısa ǵajaıyptar áleminde" fılminde óziniń ómirge degen erekshe kózqarasyn kórsetedi. Fılmniń senarıin Lında Výlverton Lúıs Kerrolldyń oılap tapqan keıipkerleri negizinde jazǵan.

Qazaqshaǵa aýdarylǵan nusqanyń rejıseri Aıjan Jámshitova, budan buryn ol "Jýnglı kitaby", "Kúlbıkesh", "Malefısenta" fılmderinde jáne "Kólikter" atty anımasıalyq fılminiń dýblájyna qatysqan. Dýblájdaý jumystary otandyq Aray Media Group kásibı dybys jazý stýdıasynda, al aqtyq dýblájdaý jumystary Londondaǵy Shepperton stýdıasynda iske asyryldy.

Fılmdi dýblájdaýǵa qazaqstandyq 20-dan asa akter qatysty. Olar "Alısa v Zazerkale" ("Alısa aınanyń arǵy betinde") kartınasynyń basty keıipkerlerin dybystady: Nazerke Serikbolova (Alısa Kıngslı), Nartaı Saýdanbekuly (Ýaqyt), Dáýren Serǵazın (Qalpaqshy Tarrant Haıtop), Aınur Bermuhambetova (Irasebeta), Sándi Qarshalova (Mırana), Maıra Omar (Helen Kıngslı), Danıar Svanqulov (Hamısh), Bekbolat Qurmanǵojaev (Vılkıns), Saǵadildá Úsipbalıev (Zanık Haıtop), Beıbit Qusanbaev (Maktvısp), Qymbat Tileýova (Malámkın), Shah-Murat Ordabaev (Tekırı).