"Altyn adamnyń" súıekteriniń úlgisi Danıa memleketine saraptamaǵa jiberildi, - dep habarlaıdy Qamshy.kz portaly  Tengrinews.kz –ke silteme jasap.

«Mýzeı Danıa memleketindegi mamandarmen kelisip qoıdy. Olar Qazaqstanda zertteýler júrgizip, "Altyn adamnyń" súıekteriniń úlgisin DNQ saraptamasyna alyp ketti. "Bizde olarmen birge jumys isteý týraly kelisimshart bar, barlyǵy resmı túrde. (...) Saraptama "Altyn adamnyń" jynysyn, jasyn, kim bolǵanyn, neden qaza bolǵanyn, onyń túpki ata-tegin anyqtaý úshin jasalyp otyr", - dedi "Esik" qoryq-mýzeıiniń dırektory Gúlmıra Muhtarova.
Saraptamanyń nátıjeleri qashan shyǵatyny belgisiz. "Men olardyń jumysty bastaǵanyn bilemin. Sarapshylardyń aıtýynsha, bul kúrdeli proses. Súıekteri nashar saqtalǵan", - dep naqtylady Muhtarova. Dırektordyń aıtýynsha, Danıadaǵy mamandar saraptamanyń nátıjelerin Qazaqstanǵa ózderi tanystyrady. "Olar saraptamanyń nátıjelerin kórsetý úshin Qazaqstanǵa resmı túrde kelmekshi. Biraq biz qazir bul týraly asyǵyp otyrǵan joqpyz", - dep túsindirdi Muhtarova. Qazir "Altyn adamnyń" súıekteriniń basym bóligi "Esik" qoryq-mýzeıinde tur.