Marqum Batyrhan Shúkenovtiń áıeli Ekaterına Shelákova 14 jastaǵy uly Maqsutpen dalada qalǵanyn habarlaýda, - dep jazady Qamshy.kz portaly dni.ru saıtyna silteme jasap.
Shúkenovtiń jary úshin jalǵyz úmit - ánshiniń avtorlyq aqysyna kún kórý. Ekaterına Batyrhannyń anasy ıntellektýaldyq múlikke quqyqtyń jartysynan bas tartýǵa daıyn ekenin, alaıda notarıýsta qajetti qujatqa áli kúnge deıin qol qoıylmaǵanyn alǵa tartty.
Shelákova Shúkenovtiń otbasy onyń zańgerimen kezdesýge asyqpaıtynyna shaǵymdandy.
"Sonyń saldarynan biz reseılik avtorlyq qoǵam men reseılik quqyq ıeleri odaǵynan aqsha ala almaı otyrmyz. Ol jerge muraǵa quqymyz bar ekenin rastaıtyn qujat alyp barý kerek", - deıdi Ekaterına.
Ekaterına Shelákovanyń Shúkenovtiń AQSH-taǵy uly úshin salyp bastaǵan úıin nesıesi tólenbeı qalǵannan keıin tartyp alǵanyn aıtady. Al ánshiniń máıiti tabylǵan Máskeýdegi bir bólmeli páter jalǵa alynǵan eken.
Podmoskovede ánshiniń jeri bar degen áńgime de jalǵan.
Ánshiniń qazasynan keıin Ekaterına Florıdadaǵy úı úshin qurylys kompanıasymen sottasqan.
"Valeraǵa alǵysym sheksiz. Ol qashan da bizge habarlasýǵa ýaqyt tabady. Batyrdyń dosy Qanat Úskenov te jaqsy kómektesedi", - ánshiniń dostary alǵys bildirdi áıeli.
"Batyr nesıeniń tek 160 myń dollaryn tólep úlgerdi. Al qalǵan 460 myń dollar Katányń moınyna ilindi. Ol ondaı aqsha taba almady, jer men kotejdi tartyp aldy. Áıteýir sot arqyly quıylǵan qarajattyń jartysyn qaıtara aldy", - deıdi ártistiń jaqyn dosy Oljas Baıqanov.
2015 jyldyń jazynda Qazaqstanda Batyrhan Shúkenovtiń atyndaǵy qor qurylyp, Astana men Máskeýde qaıyrymdylyq konsertteri de uıymdastyrylǵan bolatyn.
StarHit basylymyna bergen suhbatynda Ekaterına konsertke qatysqan qazaqstandyq jáne reseılik ártisterge alǵysyn bildirdi.
"Endi biz ózimizge jańa burysh taba alamyz. "Pýstgovorát" baǵdaralamasyna da rahmet, olardyń habarynan keıin qorǵa qarajat túse bastady", – deıdi Shelákova.
Ol jaqynda mamyr aıynyń basynda qurbysynyń úıinen basqa páterge kóshýge úmittenip júr.
Ekaterına men uly Maqsut Batyrdyń ómirden qaıtqanyna áli de senbeıdi, ol tek gastróldik saparda júrgendeı kúı keshemiz deıdi.
Esterińizge sala keteıik, ánshi Batyrhan Shúkenov 2015 jyldyń 28 sáýirinde júrek talmasynan qaıtys bolǵan.
