Osy atalǵan merzimnen bastap Báıterek beınelengen keı teńgeler kúshin joıady. Olar 2006 jáne 2011 jyldary basyp shyǵarylǵan kýpúralar dep habarlaıdy KTK arnasy.

Biraq aınalymnan shyqqan teńgelerdi bankter halyqtan qabyldap, olardy aýystyrýǵa mindetti. Al Ulttyq bank bul qyzmetti 2020 jyldyń sońyna deıin jalǵastyrmaq.

Aıta keteıik, banknottardy qabyldaýdan bas tartý ákimshilik quqyq buzý bolyp sanalady. Bul úshin shaǵyn kásipkerlerge 10, orta bıznes ókilderine 20, al iri bıznes oryndaryna 50 myń teńge kóleminde aıyppul salynady.

"Biz taza aqsha saıasatyn ustanamyz. Iaǵnı, 2 jáne 5 myńdyq kýpúralar árbir 3 jylda, al 10 myńdyq 5 jyldan soń aýystyrylyp otyrýy tıis. Osy ýaqyt kezeńinde qaǵaz tozady, onyń boıaýy ketip, túrli daq túsýi múmkin", - deıdi Ulttyq banktiń qolma-qol aqshamen jumys júrgizý basqarma basshysynyń orynbasary Andreı Balahmetov.