Qaraǵandy oblysynyń Buqar jyraý aýdanyndaǵy Kókpekti aýylynda tasqyn qurbandary sanynyń bes adamǵa jetkeni rastaldy.

"Qazirgi ýaqytta bóget shaıylyp ketken kezde bes adamnyń qaıtys bolǵany anyqtaldy, zardap shekkenderdiń sany anyqtalyp jatyr. 300-deı úıdi sý basty, eki úı ishinara qıraǵan. Jalpy shyǵyn eseptelip jatyr. Quqyq qorǵaý organdary turaqty qadaǵalaý júrgizip jatyr, olar tonaýshylyqqa jol bermeý úshin aýlalardy aralap shyǵyp otyrady", - delingen taratylǵan habarlamada.

Qaraǵandy oblysynyń ákimi Baýyrjan Ábdishev Tótenshe jaǵdaılar mınıstri Vladımır Bojkomen birge sý basqan aýmaqtardy sholyp shyqty. Turǵyndarmen kezdesip, olardyń eshqaısysynyń járdemsiz qalmaıtynyn aıtty.

Tótenshe jaǵdaılar mınıstrliginiń málimetinshe, saǵat 12.00-degi jaǵdaı boıynsha topan sýdyń beti qaıtqan, qazir jertóleler men uralar ǵana sýǵa tolyp tur, aýlalardan sý dalaǵa aıdalyp jatyr. Arnaıy komısıa tabıǵı apattyń shyǵynyn esepteýge kirisip ketti.

Eske salaıyq, 31 naýryzǵa qaraǵan túni Kókpekti sýqoımasy tasyp, irgedegi aýyldy topan sý basqan bolatyn. Alǵashqyda tórt adamnyń qaza taýyp, taǵy toǵyz adamnyń zardap shekkeni habarlandy. 400 adam qaýipsiz jerge, ózge aýyldardaǵy týystarynyń úıine kóshirildi. Tótenshe oqıǵaǵa qatysty qylmystyq is qozǵaldy. Tengrinews.kz