Atyraýda sarbazdyń WhatsApp-pen jibergen shaǵymy áskerı sotqa deıin jetti dep habarlaıdy "Moı gorod".
Batys aımaǵynyń áskerı prokýratýrasynyń senim telefonyna anonım habarlama kelip túsken. Onda QR Ulttyq qaýipsizdik komıtetiniń Shekara qyzmetine qarasty №2016 áskerı bólimniń "Peshnoı" tehnıkalyq baqylaý pýnkti bastyǵynyń qaramaǵyndaǵylardy uryp-soǵatyny aıtylǵan. Áskerı prokýratýra osy habardyń negizinde tekseris júrgizgen.
Prokýrorlar bastyq tarapynan sarbazdarǵa kúsh kórsetiletinine kóz jetkizdi, "Bılikti nemese qyzmettik ókilettikti asyra paıdalaný" baby boıynsha qylmystyq is qozǵaldy. Qazir bul isti tergeý aıaqtalyp, Aqtóbe garnızonynyń áskerı sotyna jiberildi Tengrinews.kz
