Kóktem kelse, Bojkodan maza, elden uıqy qashady. Qalyń jaýǵan qar, arnasynan asyp tasyǵan sýdan keıin "laǵnetter men qarǵystar" Bókeńniń atyna baǵyttalyp jatady. Shyǵys pen batystaǵy sý tasqyny, Qyzylaǵashtaǵy "qandy qyrǵyn", aıta berse jetip artylady. Osylardyń sońynda salpaqtap, túnerip Bojko júredi. Biraq qansha qyrǵyn bolsa da, bárine shydas berip, sottalmaı kele jatyr (sottalyp ketsin dep turǵanym joq). Keshe Kókpektide toǵan jarylyp, biraz adam "ana jaqqa" attanypty. Naǵashym sol aýylǵa qonystanǵaly bir jylǵa jýyqtady. Qudaı saqtaǵanda aman eken. Biraq bizdiń aýyldan Kókpektige qonys aýdarǵan biraz adamnyń úıin sý shaıypty. Tórt aıaqty turmaq, adam shyǵyny bar deıdi naǵashym. Biraq, naqty sany belgisiz eken. Aýyldaǵylar 4 dese, kelesi 30, odan keıingi kórshi 40 deıtin bolsa kerek. Áńgime keıipkeri Bojko Kókpektide tikushaǵymen júr eken . Qazir 5-te jınalys bolmaqshy. Apattyń shyǵyny úlken deıdi aqparattandyrýshy naǵashym.