Májilistiń bir top depýtaty 27 naýryz ben 1 sáýir aralyǵynda Ońtústik Koreıa elinde  is-saparda júr.

Qazaqstandyq delegasıa quramynda Romın Mádınov, Roman Kım, Álıhan Toıbaevtar jáne respýblıkanyń ǵylym men iskerlik sala ókilderi de bar.

Shara barysynda Májilistiń Agrarlyq máseleler komıtetiniń tóraǵasy Romın Mádınov Koreıa Respýblıkasy Ulttyq Assambleıasynyń Aýylsharýashylyǵy, teńiz jáne balyq sharýashylyǵy  máseleleri komıtetiniń tóraǵasy Choı Kún Sýngpen kezdesti. Taraptar eki jaqty yntymaqtastyqtyń búgingi jaǵdaıy men elder arasyndaǵy ekijaqty yntymaqtastyqty damytýdyń bolashaǵyn jáne ózara paıdaly baılanystyń kókjıegin keńeıtý máselesin tilge tıek etti.

Seýlde kazaqstandyq delegasıa Ońtústik Koreıa iskerlik jáne saýda-óndiristik palatasynyń ókilderiniń qatysýymen keńeıtilgen bıznes-semınar ótkizdi. Onda «Qazaqstan 2050» Strategıasynyń negizgi erejeleri men sheteldiń ınvestorlarǵa jol ashatyn elimizdiń basty baǵdarlamalyq qujatyndaǵy jańa múmkindikterdi túsindirdi.

Qazaqstandyq delegasıa  ońtústik koreıalyq Kóngı provınsıasyna baryp birqatar ǵylymı-zertteý ınstıtýttary, jylyjaılar men fermerlik sharýashylyqtarǵa bardy. Sonymen qatar depýtattar Koreıanyń aldyńǵy qatarly ýnıversıteti – «KonkukUniversity» basshylarymen kezdesti.

(Sáýle Dosjanova. T.74-63-01. Aqparatty QR Parlamenti Májilisi Apparatynyń  Baspasóz qyzmeti taratty) 

http://www.parlam.kz