ESTE QALAR OQIǴALAR

94 jyl buryn (1918) «Alash» qazaq ulttyq qozǵalysy keńes úkimetiniń Qazaqstan aýmaǵyndaǵy barlyq dekretterin zańsyz dep jarıalady.

21 jyl buryn (1991) Qazaqstan Respýblıkasynyń Jańa ekonomıkalyq qurylymdardy qoldaý jáne monopolıalyq qyzmetti shekteý memlekettik komıteti quryldy. Qazaqstan Respýblıkasy Prezıdentiniń 1993 jylǵy qańtardyń 11-indegi Jarlyǵymen atalmysh komıtet Qazaqstan Respýblıkasynyń Monopolıaǵa qarsy saıasat jónindegi memlekettik komıteti bolyp qaıta quryldy.

20 jyl buryn (1992) QR Prezıdenti Nursultan Nazarbaevtyń «Qazaqstan Respýblıkasynyń áskerı soty jáne áskerı prokýratýra organdary týraly» qaýlysy qabyldandy.

13 jyl buryn (1999) Qazaqstan Respýblıkasynyń «Bilim býraly» Zańy jarıalandy

11 jyl buryn (2001) Elbasy Nursultan Nazarbaev Elordadaǵy jańa nysandar: Esil ózeni ústimen ótetin avtomobıl kópirinde, «Master» qurylys materıaldar ortalyǵynda, Qazaq memlekettik zań akademıasynyń fılılalynda boldy.

10 jyl buryn (2002) Elbasy Nursultan Nazarbaev Soltústik Qazaqstan oblysynyń Selınnyı aýdanyn Ǵabıt Músirepov atymen ataý týraly Jarlyqqa qol qoıdy.

4 jyl buryn (2004) Elbasy Nursultan Nazarbaev «Qazaqstan Respýblıkasynda turǵyn úı qurylysyn damytýdyń 2005-2007 jyldarǵa arnalǵan memlekettik baǵdarlamasy týraly» Jarlyqqa qol qoıdy.

418 jyl buryn (1594) Táýekel han jibergen qazaq elshiligi Máskeýge bardy. Patsha úkimeti Kóshim hanmen qaqtyǵysyp qala bergen soń, taǵy da ózine odaqtas izdeı bastady. Ol odaqtas Reseımen vasaldyq qatynasqa túsken qazaq jeri ǵana bola alatyn edi. Bul kezde Qazaqstanǵa Buqar handyǵy qaýip tóndire bastaǵan bolatyn. Sondyqtan da bul odaqtastyq eki jaqqa da tıimdi edi.

5 jyl buryn (2007) Óskemenniń tórt ortalyq kóshesi jańa ataýlarmen ózgertildi. Burynǵy Lenın dańǵyly - Táýelsizdik dańǵyly, Qyzyl Qyran jaǵalaýy - Aleksandr Protozanov atyndaǵy kóshe dep ataldy. Tekstılshıkter dańǵyly - akademık Qanysh Sátbaevtyń, Ermak kóshesi - Jaqypbek Maldybaevtyń esimderine ıe boldy.

Budan basqa qalanyń ortalyq alańy - Respýblıka alańy, al qalalyq saıabaq - «Jastar» saıabaǵy dep ataldy. Qalanyń taǵy bir kóshesi Pankratev baǵynyń negizin qalaǵan Gýstav Vıntenıýstiń, soltústik jaǵalaýda salynyp jatqan jańa dańǵyl İlıas Esenberlınniń esimderin ıelendi.

5 jyl buryn (2007) Reseıde semeılik jazýshynyń «Stalın - razgadka Sfınksa» atty kitaby jaryq kórdi. Kitaptyń avtory Marat Ahmetov - burynǵy jýrnalıs, bizdiń respýblıkamyzda KSRO-ny basqarǵan tarıhı adamdar týraly jazatyn adamdardyń birden biri.

«Stalın - razgadka sfınksa» kitabynda Iosıf Djýgashvılı basqa turǵydan beınelengen. Kitap avtordyń eki el muraǵatynda izdenis jumystaryn ótkizip jáne Stalındi jeke tanyǵan adamdarmen kezdesý nátıjesinde jasalǵan hronıkalyq-derekti shyǵarma bolyp tabylady.

3 jyl buryn (2009) Qazaqstan Respýblıkasynyń Prezıdenti Nursultan Nazarbaevtyń qatysýymen Qostanaı oblysy Rýdnyı qalasynda «SSKBÓB» AQ №6 TES-i energoblogy iske qosyldy. Jobanyń quny - 8241,3 mln. teńge, al qýattylyǵy - 63 MVt.

ESİMDER

74 jyl buryn (1938) jazýshy, aýdarmashy, rejıser JYLQYBAEV Edýard dúnıege keldi.

Máskeý qalasynda týǵan. Qazaq memlekettik ýnıversıtetiniń fılologıa fakúltetin bitirgen. Mektepte, kórkemsýret ýchılıshesinde ustazdyq etken. Halyq teatrynda rejıser, Sýretshiler odaǵynda aǵa referent, Qazaq teledıdarynda Bas redaktordyń orynbasary, «Nıva» jýrnalynda redaktor bolǵan. Qazir «Kazahstanskaıa pravda» gazetinde bólim meńgerýshisi. Alǵashqy maqalalary 1956 jyly jaryq kórgen. «Martovskıı sneg», «Dolgaıa rabota», «Lúbov hýlıgana. Sergeı Esenın ı Agýsta Mıklashevskaıa», «Sobstvennostavtora» atty kitaptary jaryq kórgen. Jazýshy J.Tilekovtiń, N.Aqyshevtiń kitaptaryn, T.Mamaseıitovtiń áńgime, povesterin aýdarǵan.

73 jyl buryn (1939-2000) kınooperator, kınorejısser, KSRO Kınematografıster odaǵynyń múshesi BAIUZAQOV Almas Hasenuly dúnıege keldi.

Ol «Sovettik Qazaqstan» kınojýrnaly úshin 100-den asa sújet, 20-dan asa fılm túsirdi. Olardyń kópshiligi búkilodaqtyq kınofestıvaldarda júldeli oryndarǵa ıe bolyp, jaqsy baǵasyn aldy. Kınopýblısıstıkanyń ozyq úlgisi bolyp tabylatyn óziniń kóptegen hronıkalyq-derekti fılmderine eliniń tarıhy men eline eleýli azamattardyń ǵumyryn arqaý ótti. A.Baıuzaqov «Sáken Seıfýllın. ómiri men óneri», L.Mırzoıan týraly «Partıa men halyqqa jaý bolǵan joq», chekıs S.Jaqypov traly «№ 0239-shy istiń paraqtary» atty fılmder túsirdi.

73 jyl buryn (1939) medısına ǵylymynyń doktory, professsor OMAROV Tarıh dúnıege keldi.

Almaty oblysynda týǵan. Almaty memlekettik medısına ınstıtýtyn, Máskeýdegi Týberkýlez aýrýlary ǵylymı-zertteý ınstıtýtynyń aspırantýrasyn bitirgen. Ol Qazaq týberkýlez ǵylymı-zertteý ınstıtýtynda, Máskeýdegi Týberkýlez aýrýlary ǵylymı-zertteý ınstıtýtynda jumys istegen. Ǵalymnyń 200-den astam ǵylymı jarıalanymy jaryq kórgen.

148 jyl buryn (1864-1949) nemis kompozıtory ári dırıjeri, Berlındegi Óner akademıasynyń múshesi, opera jáne sımfonıa dırıjerleriniń kórnekti ókilderiniń biri SHTRAÝS Rıhard dúnıege keldi.

Ol F.Lıst pen G.Berlıozdyń baǵdarlamalyq sımfonızmi dástúrin, R.Vagnerdiń orkestrlik tásilin onan ári damytty. Onyń sımfonıalyq shyǵarmalary beıneli mýzyka tilimen ári ótkir beıneleý tásilimen erekshelenedi. Shtraýs - 14 operanyń, 4 sımfonıanyń, 6 baǵdarlamalyq sımfonıalyq poemanyń, konsertterdiń, kameralyq aspaptyq shyǵarmalardyń, hor, ánderdiń avtory.

102 jyl buryn (1910-1997) fransıanyń ataqty muhıt zertteýshisi, kınorejısser, ónertapqysh, fotograf, Fransıa akademıasynyń múshesi KÝSTO Jak Iv dúnıege keldi.

Fransıanyń Sen-Andre-de-Kúbzak qalasynda týǵan. Fransıanyń teńiz akademıasyn bitirgen.

1943 jyly Emıl Ganánmen birge akvalańty oılap taýyp, ony synaqtan ótkizdi.

Kýsto «Kalıpso» kemesimen muhıttyń grafıkalyq zertteýlerin júrgizdi. Frederık Dúmamen birlesip jazǵan «V mıre bezmolvıa» atty kitaby Kýstoǵa ataq alyp keldi. 1956 jyly kitap boıynsha túsirilgen fılmi «Oskar» jáne «Zolotaıa palmovaıa vetv» syılyǵyn ıelendi.

1957 jyldan Monakodaǵy Muhıttaný ınstıtýtynyń dırektory boldy. Búkilálem kórermenderine keńinen tanymal fılmderdiń avtory. 1973 jyly teńiz ortasyn qorǵaý komersıalyq emes «Kýsto qoǵamyn» qurdy.

«Tiri teńiz», «Delfınder», «Jak Kýsto: muhıt álemi» kitaptarynyń avtory.

66 jyl buryn (1946) «Shyǵys-Batys» korporatıvtik qorynyń atqarýshy dırektory, İshki qyzmet polkovnıgi, zań ǵylymynyń kandıdaty ÝÁLIEV Hasan Qusaıynuly dúnıege keldi.

Shyǵys Qazaqstan oblysy Semeı qalasynda týǵan. Semeı jeńil ónerkásip tehnıkýmyn, Búkilodaqtyq toqyma jáne jeńil ónerkásip syrttaı oqytý ınstıtýtyn, KSRO İshki ister mınıstrligi Qaraǵandy joǵary mektebin bitirgen. Eńbek jolyn Semeı teri-meh birlestiginde dánekershi-retteýshi bolyp bastap, Semeı oblystyq «Sýarnaqurylys» basqarmasynyń dánekershisi, Turmystyq qamsyzdandyrý basqarmasynyń aǵa ınjeneri, Krýpskaıa atyndaǵy tigin fabrıkasynyń bas ınjeneri, oblystyq partıa komıtetiniń nusqaýshysy bolǵan. 1984-1990 jyldary - Semeı oblystyq atqarý komıtetiniń İshki ister basqarmasy Eńbekpen túzeý mekemesiniń bólim bastyǵy, basqarma partıa komıtetiniń hatshysy. 1990-1993 jyldary - Atyraý oblystyq İshki ister basqarmasy bastyǵynyń orynbasary. 1993-1994 jyldary - Qaraǵandy oblystyq İshki ister basqarmasy bastyǵynyń orynbasary. 1994-1997 jyldary - Qazaqstan Respýblıkasy İshki ister mınıstrligi Bas qylmystyq túzetý júıeleri basqarmasy bastyǵynyń birinshi orynbasary, bastyǵy. 1997-1998 jyldary - Qazaqstan Respýblıkasy İshki ister mınıstrligi Qylmystyq túzetý júıeleri departamentiniń dırektory. 1998-2001 jyldary - Qazaqstan Respýblıkasy İshki ister mınıstrligi Kadr jáne tárbıe jumystary departamentiniń dırektory qyzmetterin atqarǵan. Qazirgi qyzmetinde 2001 jyldyń qazan aıynan bastap isteıdi.

61 jyl buryn (1951) Qytaı Halyq Respýblıkasyndaǵy Qazaqstan Respýblıkasy Elshiliginiń keńesshisi, general-maıor ÝAJANOVTursyn Úshbaıuly dúnıege keldi.

Shyǵys Qazaqstan oblysy Zaısan qalasynda týǵan. KSRO MQK-iniń Felıks Dzerjınskıı atyndaǵy Joǵary shekaralyq-komandalyq ýchılıshesin, KSRO MQK-iniń Qyzyl Týly ınstıtýtyn bitirgen. 1972-1979 jáne 1982-1985 jyldary - KSRO MQK-iniń Shyǵys shekara okrýgi Zaısan shekara otrádynyń ofıseri, aǵa ofıseri. 1985-1987 jyldary - Shyǵys shekara okrýgi Kúrshim shekara otrádynyń bólim bastyǵynyń orynbasary. 1987-1993 jyldary - Úsharal shekara otrády bastyǵynyń orynbasary - bólim bastyǵy - jedel bólim bastyǵynyń orynbasary, bastyǵy. 1993-1995 jyldary - Qazaqstan Respýblıkasy Shekara áskerleri shtaby bastyǵynyń orynbasary - Aqparattyq-saraptama bóliminiń bastyǵy, Shekaralyq baqylaý bóliminiń bastyǵy. 1995-1998 jyldary - Qazaqstan Respýblıkasy Qorǵanys mınıstrligi Memlekettik shekarany qorǵaý jónindegi komıtetiniń, Qazaqstan Respýblıkasy Memlekettik shekarany qorǵaý jónindegi memlekettik komıtetiniń shtab bastyǵynyń orynbasary - Shekaralyq baqylaý basqarmasynyń bastyǵy. 1998-1999 jyldary - Memlekettik shekarany qorǵaý kúshteri Bas shtaby bastyǵynyń orynbasary, Qazaqstan Respýblıkasy Qorǵanys mınıstrligi Syrtqy qatynas qyzmetiniń bastyǵy. 1999-2007 jyldary - Qazaqstan Respýblıkasy UKK Shekara qyzmeti dırektorynyń orynbasary - Bas basqarmanyń bastyǵy qyzmetterin atqarǵan. Qazirgi qyzmetinde 2007 jyldan bastap isteıdi.

İİ dárejeli «Aıbyn» ordenimen, KSRO-nyń birneshe medaldarymen, 2-shi dárejeli «Shekara áskerleriniń úzdigi» belgisimen, «Internasıonalshy jaýyngerge rızalyqty aýǵan halqynan» medalimen marapattalǵan.

45 jyl buryn (1967) QR Parlamenti Májilisiniń Zańnama jáne sot-quqyqtyq reforma komıtetiniń múshesi ROMANOVSKAIaSvetlana Iýrevna dúnıege keldi. Reseı Federasıasynyń Novosibir oblysynda týǵan. Halyq sharýashylyǵy ınstıtýtyn, Halyq sharýashylyǵy akademıasyn, «Ádilet» joǵary quqyq mektebin bitirgen. Zań ǵylymdarynyń kandıdaty. Halyq sharýashylyǵy ınstıtýtyn bitirgennen keıin «Áýezov aýdandyq azyq-túlik saýdasy» memlekettik kásipornynda kóterme jáne bólshek saýdany uıymdastyrý men basqarý meńgerýshisi boldy. 1992 - 1994 jyldary - «Saıran» JSHS bas býhgalteri. 1996 jyldan bastap - «Minsiz bıznes kásiporyndary qaýymdastyǵy» táýelsiz aralyq sotynyń tóraıymy. 2001 jyldan bastap - «Úıretýshi bapkerler lıgasy» Respýblıkalyq qoǵamdyq birlestigi basqarmasynyń tóraıymy. 2001 - 2003 jyldary - «Ádilet» joǵary quqyq mektebi, azamattyq quqyq kafedrasynyń dosenti, «Tutynýshylar quqyqtary zańy salasyndaǵy tájirıbelik-teorıalyq negizder» pániniń oqytýshysy. 2001 - 2011 jyldary - «BBC R Group» JSHS bas dırektory. 2003 jyldan bastap - Qazaqstan Respýblıkasynyń Prezıdenti janyndaǵy Ulttyq Keńestiń múshesi. 2005 jyldan bastap - «Qazaqstan Tutynýshylar lıgasy» qaýymdastyǵy» zańdy tulǵalar birlestigi basqarmasynyń tóraıymy. 2005 jyldan bastap - «Áleýmettik jaýapty bızneske» ISO 26000 berý boıynsha Dúnıejúzilik ISO Ashyq komıtetiniń ókili. 2005 jyldan bastap - Sankt-Peterbýrg Memlekettik ýnıversıtetiniń daýlardy sheshýdegi deldaldyq ókili, medıator. 2005 jyldan bastap - Zertteý jáne daýlardy sheshý ınstıtýtynyń (CR) halyqaralyq daýlardy sheshýdegi deldaldyq ókili, medıator. 2007 jyldan bastap - Qazaqstan Respýblıkasy Parlamentiniń Májilisi janyndaǵy Qoǵamdyq palatanyń múshesi. 2010 jyldan bastap - «Medıasıa» Bitimgershiligi jáne Medıasıa biryńǵaı ortalyǵy» qoǵamdyq birlestigi basqarmasynyń tóraıymy, oqytýshy. 2012 jylǵy qańtardan bastap - besinshi saılanǵan Qazaqstan Respýblıkasy Parlamenti Májilisiniń depýtaty. «Nur Otan» Halyqtyq Demokratıalyq partıasynyń múshesi, partıalyq tizim boıynsha saılanǵan. «Qazaqstan Konstıtýsıasyna 10 jyl», «Astananyń 10 jyldyǵy» «Qazaqstan Respýblıkasynyń Táýelsizdigine 20 jyl» merekelik medaldarymen, «2007 - Jyl áıeli», Asa kórnekti úlesi jáne kásibı jetistikteri úshin amerıkandyq ómirbaıandyq ınstıtýtynyń eskertkish medalimen, Astana qalasynyń «Ajar» Qazaqstan áıelderi jetistikterin qoǵamdyq taný týraly ulttyq syılyǵymen marapattalǵan. Memlekettik, halyqaralyq, úkimettik emes uıymdardan alǵan alǵystary bar.

43 jyl buryn (1969) Qyzylorda oblysy ákiminiń orynbasary ALPAMYSOV Abaı Ábdisámetuly dúnıege keldi.

1969 jyly dúnıege kelgen. 1993 j. - M.V. Lomonosov atyndaǵy Máskeý memlekettik ýnıversıtetin bitirgen. 1998 j. - Ál-Farabı atyndaǵy Qazaq ulttyq ýnıversıtetin aıaqtaǵan oqyp támamdaǵan. 1993-1994 jyldary Qazaqstan Respýblıkasynyń Ekonomıka mınıstrligi janyndaǵy Ekonomıka jáne naryqtyq qatynastar ǵylymı zertteý ınstıtýtynyń kishi ǵylymı qyzmetshisi bolyp jumys istegen. 1994 jyly Memlekettik turǵyn úı qurylys bankiniń ıpotekalyq kredıtteýdi jáne ekinshi deńgeıdegi baǵaly qaǵazdardy damytý bóliminiń bastyǵy qyzmetinde istegen. 1994-1995 jyldary Memlekettik turǵyn úı qurylys bankiniń ekonomıkalyq taldaý jáne qarjylyq josparlaý bóliminiń bastyǵy. 1995 jyly «Turanbank» Qazaq aksıonerlik bankiniń Bank qyzmetin josparlaý basqarmasynyń Ekonomıkalyq taldaý jáne boljamdaý bóliminiń bastyǵy. 1995-1996 jyldary «Turanbank» Qazaq aksıonerlik bankiniń pasıvtik operasıalar basqarmasynyń bastyǵy. 1996 jyly «Turanbank» Qazaq aksıonerlik bankiniń josparlaý-ekonomıkalyq departamentiniń dırektory. 1996-1997 jyldary «Turanbank» Qazaq aksıonerlik bankiniń Jezqazǵan oblystyq basqarmasynyń bastyǵy. 1997 jyly «TuranAlem Bank» JAQ aktıvterdi jáne pasıvterdi taldaý basqarmasynyń bastyǵy. Sol jyly «Kazmet» JSHS qarjy dırektory. 1997-1998 jyldary «Qazaqoıl» ulttyq munaıgaz kompanıasy qarjylyq dıreksıasynyń qarjylyq taldaý departamentiniń dırektory. 1998-1999 jyldary «Qazaqoıl» ulttyq munaıgaz kompanıasynyń Atyraý qalasyndaǵy ókildiginiń dırektory. 1999-2000 jyldary «Ózenmunaıgaz» AAQ ekonomıka máseleleri jónindegi birinshi vıse-prezıdenti, Jańaózen qalasy. 2000-2001 jyldary «Qazaqoıl» ulttyq munaıgaz kompanıasy prezıdentiniń keńesshisi, Astana qalasy  2003 jyly «Temir joly» saýda úıi» JAQ vıse-prezıdenti, Astana qalasy. 2004-2005 jyldary Respýblıkalyq búdjettiń atqarylýyn baqylaý jónindegi esep komıteti apparaty basshysynyń orynbasary. 2005-2006 jyldary Qazaqstan Respýblıkasynyń Ekonomıka jáne búdjettik josparlaý mınıstrliginiń Memlekettik aktıvterdi basqarý saıasaty departamentiniń dırektory. 2006-2007 jyldary «Qazyna» ornyqty damý qory» AQ basqarýshy dırektory, Astana qalasy. 2007 jyly «Kazyna Capital Management» AQ basqarma tóraǵasy, Almaty qalasy.

2012 jyldyń 11 naýryzynan bastap, Qyzylorda oblysy ákiminiń orynbasary qyzmetin atqaryp keledi.

41 jyl buryn (1971) Qostanaı oblysy ákiminiń orynbasary  DÁRİBAEV Murat Amangeldiuly dúnıege keldi.

1971 jyly týǵan. 1996 jyly Almaty avtomobıl-jol ınstıtýtyn «ınjener-qurylysshy» biliktiligi boıynsha «úzdik» jáne 2004 jyly T. Rysqulov atyndaǵy Qazaq ekonomıkalyq ýnıversıtetin «ekonomıs» mamandyǵy boıynsha «úzdik» bitirgen. 1989 jyldyń maýsymynan 1991 jyldyń maýsymyna deıin KSRO Qarýly kúshterinde áskerı boryshyn ótedi. Eńbek jolyn 1996 jyly «AVS-Parfúm» aksıonerlik qoǵamynda ekonomıs retinde bastady. 1997 jyldyń naýryzynan 2000 jyldyń qańtaryna deıin Ekonomıka jáne saýda mınıstrligi janyndaǵy Ekonomıkalyq zertteýler ınstıtýtýnyń ekonomısi, ǵylymı qyzmetekeri, keıin - sektor meńgerýshisi. 2000 jyldyń qańtarynan 2002 jyldyń qarashasyna deıin Qazaqstan Respýblıkasy Prezıdent Ákimshiligi Áleýmettik-ekonomıkalyq taldaý bólim sektorynyń bas sarapshysy, keıin - meńgerýshisi. 2002 jyldyń qarashasynan 2003 jyldyń shildesine deıin Indýstrıa jáne saýda mınıstrligi Shaǵyn bıznesti qoldaý komıteti tóraǵasynyń orynbasary. 2003 jyldyń shildesinen 2004 jyldyń aqpanyna deıin Qazaqstan Respýblıkasy Tabıǵı monopolıalardy retteý jáne básekelestikti qorǵaý agenttiginiń departament dırektory. 2004 jyldyń jeltoqsanynan 2005 jyldyń sáýirine deıin Indýstrıa jáne saýda mınıstrliginiń departament dırektory. 2005 jyldyń sáýirinen 2006 jyldyń qarashasyna deıin Qazaqstan Respýblıkasynyń Qaýipsizdik keńes hatshylyǵynyń bas ınspektory. 2006 jyldyń qarashasynan 2007 jyldyń qarashasyna deıin Qazaqstan Respýblıkasy Prezıdent İs basqarmasy «Búrkit» Memlekettik áýe kompanıasy» RMK dırektorynyń birinshi orynbasary. 2007 jyldyń qarashasynan 2008 jyldyń naýryzyna deıin Qazaqstan Respýblıkasy Prezıdent Ákimshiligi Áleýmettik-ekonomıkalyq taldaý bólim meńgerýshisiniń orynbasary.

2008 jyldyń sáýir aıynan bastap Qazaqstan Respýblıkasy Indýstrıa jáne saýda mınıstrligi Ónerkásip komıtetiniń tóraǵasy. Qazirgi qyzmetinde - 2012 jylǵy naýryzdan beri

55 jyl buryn Qostanaı oblysy ákiminiń orynbasary BEKTURǴANOV Serik Shyńǵysuly dúnıege keldi.

Qaraǵandy   oblysy   Jańa-Arqa   aýdanynyń   Atasý    stansıasynda    týǵan. 1979 jyly Qaraǵandy memlekettik ýnıversıtetin fızıka pániniń oqytýshysy mamandyǵy boıynsha bitirgen. 1979 jyly  Rýdnyı ındýstrıaldyq ınstıtýtynyń oqytýshysy. 1981 - 1984 jyldary Qostanaı qurylys tehnıkýmy  komsomol  komıtetiniń hatshysy. 1984 - 1986 jyldary Qostanaı qalalyq  komıtetiniń bólim meńgerýshisi.1986 - 1988 jyldary. Qostanaı qurylys tehnıkýmynyń oqytýshysy.1988 - 1991 jyldary Qostanaı qalalyq komsomol komıtetiniń ekinshi, birinshi hatshysy. 1991 - 1993 jyldary Qostanaı qalasy, «Sosıalnaıa slýjba molodejı» qaýymdastyǵy tóraǵasynyń orynbasary, tóraǵasy. 1993 - 1995 jyldary Qostanaı qalalyq ákimshiligi basshysynyń orynbasary 1995 - 1997 jyldary Qostanaı qalasy ákiminiń orynbasary. 1997 -  2001 jyldary Qostanaı oblysy ákiminiń orynbasary. 2001 - 2005 jyldary Qostanaı qalasy, «Stomed» JSHS komersıalyq dırektory. 2005 jyly Qazaqstan Respýblıkasy agenttiginiń memlekettik qyzmet isteri jónindegi aýmaqtyq basqarmasynyń bastyǵy  - Qazaqstan Respýblıkasy agenttiginiń Qostanaı oblysy boıynsha memlekettik qyzmet isteri tártiptik keńesiniń tóraǵasy. 2005 jyldan osy kezge deıin Qostanaı oblysy ákiminiń orynbasary  «Astana», «Qazaqstan Respýblıkasynyn taýelsizdigine 10 jyl»medaldarymen marapattalǵan. «Qazaqstan Respýblıkasy bilim berý isiniń úzdigi».

65 jyl buryn (1947) M.Áýezov atyndaǵy Qazaq memlekettik akademıalyq drama teatrynyń ártisi  JANǴALIEVA Baqyt dúnıege keldi.

Aqtóbe oblysynyń Shalqar aýylynda týǵan. Aqtóbe mádenı-aǵartý ýchılıshesin jáne Qurmanǵaz atyndaǵy óner ınsıtýtynyń akterlik fakúltetin bitirgen. Spektáklderde jáne kınofılmderde kóptegen rólderdi somdady.

QR eńbek sińirgen ártisi. «Qurmet» ordenimen marapattalǵan. B.Rımova atyndaǵy festıvaoldiń laýreaty.

QAZAQPARAT KÚNTİZBESİ