"Ulttyq qor – balalarǵa" bastamasy aıasynda 7 mıllıonǵa jýyq balanyń bolashaǵyna qarjy jınala bastady. Baǵdarlama resmı túrde 2024 jyldyń 1 qańtarynan bastap iske qosyldy. Jobaǵa sáıkes, 2006 jyldan keıin týǵan árbir balaǵa Ulttyq qordyń ınvestısıalyq tabysynan jyl saıyn qarajat aýdarylady.

Qarjy mınıstrliginiń dereginshe, 2023 jyldyń qorytyndysy boıynsha baǵdarlamaǵa 6 919 131 bala (2006–2023 jyldar aralyǵynda týǵandar) qatysqan. Olardyń árqaısysynyń shotyna 100,52 AQSH dollary kóleminde qarjy eseptelgen. Jalpy soma 695,5 mln dollardy qurady.

2024 jyly sol balalardyń ishinen 304 815-i 18 jasqa tolyp, olardyń shotyna 30,6 mln dollar aýdarylǵan. Al 2025 jyly qatysýshylar sany 6 921 035 balaǵa jetti. Bıyl 324 430 jasóspirim 18-ge tolady, olarǵa aýdarylatyn qarjy kólemi – 129,38 dollardan.

Aıta keteıik, bul qarajat bala 18 jasqa tolǵanǵa deıin jınalady jáne keıin ony turǵyn úı alýǵa nemese joǵary bilim aqysyn tóleýge paıdalanýǵa bolady.