1 maýsymnan bastap qysqy dóńgelekpen júrýge tyıym salynady
2025 jyldyń 1 maýsymynan bastap avtokólik júrgizýshilerine qysqy, sonyń ishinde tikenekti dóńgelektermen júrýge zań júzinde tyıym salynady. Bul talap Ákimshilik quqyqbuzýshylyq týraly kodekstiń 590-baby, 5-tarmaǵyna sáıkes júzege asyrylady. Onda tehnıkalyq reglamentter men ulttyq standarttarǵa sáıkes kelmeıtin kólik quraldaryn basqarýǵa tyıym salynatyny kórsetilgen.
Qysqy dóńgelekpen júrgeni úshin aıyppul qarastyrylǵan:
-
Alǵashqy quqyqbuzýshylyq úshin — 5 aılyq eseptik kórsetkish (AEK) kóleminde, ıaǵnı 19 145 teńge aıyppul salynady;
-
Qaıtalanǵan jaǵdaıda — aıyppul mólsheri 20 AEK-ke deıin ósip, 76 580 teńgege jetedi.
Nege tyıym salynǵan?
Jaz mezgilinde qysqy jáne tikenekti dóńgelekterdi paıdalaný:
-
Jol jabyndysyn zaqymdaıdy;
-
Ystyq aýa raıynda jol betine artyq qysym túsiredi;
-
Avtokóliktiń basqarý múmkindigin nasharlatady;
-
Janarmaı shyǵynyn arttyrady;
-
Dóńgelek tez tozady.
Qysqy dóńgelekti qashan aýystyrý kerek?
Qoldanystaǵy talaptarǵa sáıkes, tikenekti qysqy dóńgelekterdi paıdalaný merzimi — 1 jeltoqsannan 1 naýryzǵa deıin. Biraq naqty merzim óńirlerdegi aýa raıynyń jaǵdaıyna baılanysty ózgerýi múmkin.
Jazǵy dóńgelekke aýysý úshin syrtqy aýa temperatýrasy orta eseppen +5 °C jáne odan joǵary deńgeıde turaqty bolýy tıis. Sebebi qysqy dóńgelek jyly aýa raıynda jumsaryp, óz qasıetin joǵaltady.
