Qazaqstanda ákimder úshin eki jyldyq synaq merzimin engizý usynyldy
Májilis depýtaty Baqytjan Bazarbek ákimderge qatysty jańa bastama usyndy. Ol oblys, qala jáne aýdan ákimderi úshin eki jyldyq synaq merzimin engizýdi talap etti.
Depýtattyń aıtýynsha, osy synaq merzimi aıaqtalǵannan keıin ákimniń jumysy naqty makroekonomıkalyq kórsetkishterge súıene otyryp baǵalanýy tıis.
"Eger nátıje bolmasa — ákim qyzmetinen ketýi kerek. Bul — tıimsiz jumystyń belgisi. Halyq dál osyndaı túbegeıli ózgeristi kútip otyr dep esepteımin", — dedi Bazarbek Májiliste ótken Úkimet saǵatynda.
-
2024 jyldan bastap barlyq aýdan ákimderin halyq tikeleı saılaıtyn júıe engizildi.
-
Shyǵys Qazaqstan oblysynda qala jáne aýdan ákimderiniń qyzmeti KPI kórsetkishteri negizinde baǵalanady.
-
Sondaı-aq, bıyl sáýir aıynda Eýrazıalyq ıntegrasıa ınstıtýtynda ákimderdi tikeleı saılaý ınstıtýtyn damytý máselesi talqylandy.
