Prezıdent Toqaev: Qazaqstanda ásireultshyldyqqa jol berilmeıdi, ár halyqtyń tili men mádenıetine qurmet kórsetilýi tıis

Astana halyqaralyq forýmynyń plenarlyq otyrysynda Memleket basshysy Qasym-Jomart Toqaev qazirgi jahandyq ahýaldyń kúrdeli ekenine toqtalyp, yntymaqtastyq pen dıalogtyń mańyzyn atap ótti.

"Jahandyq qaýipsizdikke tóngen qaterge tek geosaıası turǵydan qaraý jetkiliksiz. Búgingi beı-bereket kezeńde basty mindetimiz – yntymaqty saqtaý jáne synǵan senimdi qaıta qalpyna keltirý", – dedi Prezıdent.

Memleket basshysy Qazaqstannyń syrtqy saıasattaǵy basty qaǵıdaty – ózara syılastyq pen egemendikti qurmetteý ekenin aıtyp, ásireultshyldyqqa jol berilmeıtinin basa aıtty.

"Árbir etnostyń óz ana tilinde sóıleýge, tól mádenıetin damytýǵa quqyǵy bar. Biz Qazaqstanda «Birligimiz – áralýandyqta» qaǵıdatyn berik ustanamyz. Ózge halyqtardyń tarıhy men dástúrlerin mensinbeý – bizdiń jolymyz emes", – dedi Qasym-Jomart Toqaev.