Búdjettiń mıllıondaryn jegen laýazymdy shendiniń jazasy ulǵaıtyldy.  Búgin Almatynyń aýdanaralyq soty Shekara qyzmeti dırektorynyń burynǵy orynbasaryn 11 jylǵa sottady. Álim Hasenov 2010-shy jyly ustalyp, qyzmetin asyra paıdalandy degen aıyppen 4 jylǵa abyqtyǵa jabylǵan bolatyn.

Bul joly «para alǵany», «qyzmetin paıdalanǵany» jáne «senip tapsyrylǵan memleket múlkin talan-tarajǵa salǵany úshin» aıypty dep tanylyp otyr. Sheneýnik shekara zastavalarynyń qurylysyna bólingen qarjyǵa qol suqqan. Shekara qyzmetinde laýazymdy qyzmet atqarǵan tusta Hasenov tenderdi jeńgen qurylys kompanıasy basshysymen jáne memlekettik satyp alý basqarmasy jetekshisimen sybaılasyp, 300 mln teńgeni qaltaǵa basypty. Al qurylys sol kúıi qaǵaz júzinde qalǵan. Búgin sot osy eki sybaılasqa da úkim kesti. Merdiger kompanıa basshysy endi 5 jylyn túrmede ótkizedi. Al 2 jyl jaza kesilgen basqarma jetekshisin sot sol jerde-aq raqymshylyqqa ilindirip, bosatyp jiberdi. 50 jastaǵy Hasenovtyń ózi bolsa, jazasyn qatań tártiptegi túrmede ótkizýi tıis.

ktk.kz