Qazaqstan Respýblıkasy Parlamenti Májilisiniń depýtattary R.Muqashev, S.Bychkova, K.Burhanov pen A.Smaıyldar BUU-dyń din men senim bostandyǵy boıynsha arnaıy baıandamashysy Haıner Bılefeldpen kezdesti.

Kezdesý barysynda taraptar «Din isteri men dinı birlestikter týraly» QR Zańynyń dinı salada tájirıbe júzinde iske asyrylý jaǵdaıy boıynsha pikir almasty.

Rahmet Muqashev óz sózinde Qazaqstannyń zańnamalyq bazasy azamattardyń quqyǵy men erkindigi dinı salada qurmettelip, dinı senimderi elimizdiń Ata zańymen naqtylanǵanyn atap ótti. «Din isteri men dinı birlestikter týraly» QR Zańyn jasaý ústinde halyqaralyq tájirıbeler eskerilip, Eýropa Keńesiniń dinı qyzmetterdi sonyń ishinde dinı sektalarmen qatynastaryn quqyqtyq retteý máselesi eskerildi.

Óz kezeginde K.Burhanov elimizdegi din isterin quqyqtyq retteý taǵattylyq pen ózara qurmet qaǵıdasyna negizdelgenin aıtty.

Kezdesý qorytyndysy boıynsha áńgimelesýshiler qazaqstandyq zańnama dinı salada halyqaralyq standarttar men normalarǵa sáıkes ekendigine kóz jetkizdi. Sonymen qatar elimizdegi  dinı qyzmetti quqyqtyq retteýdiń aldaǵy joldaryn jetildirý jaıynda pikir almasty.