Qazaqstannyń energıa júıesi elimizdiń barlyq suranysyn qanaǵattandyra alady. Sondyqtan bolashaqta Qyrǵyzstannan alyp otyrǵan energıadan bas tartý múmkindigi sonshalyqty ózekti emes.
Bul týraly búgin Ortalyq komýnıkasıalar qyzmetinde ótken brıfıńte «Samuryq-Energo» AQ basqarma basshysy Almasadam Sátqalıev aıtty.
«Qazirgi ýaqytta qazaqstandyq energıa júıesi Qyrǵyzstannan turaqty qýat satyp alyp otyr. Degenmen biz óz kúshimizben elimizdegi barlyq qajettilikti qamtamasyz ete alamyz. Qyrǵyz elinen alatyn energıadan bas tartý máselesi aıtarlyqtaı ózekti emes, biz mundaı jaǵdaıǵa tolyqtaı daıynbyz dep aıtýǵa bolady. Soltústiktegi stansalardy jedel túrde jóndeýden ótkizip, qýatyn kúsheıtýge múmkindigimiz bar. Sondaı-aq, memleket tarapynan mazýtqa dotasıalar bolǵan jaǵdaıda Jambyl memlekettik aýdandyq elektr stansasyn (MAES) qosamyz», - dedi A. Sátqalıev.
inform.kz
Pikir qaldyrý