Qazaqstanda QR quramasynyń sapynda halyqaralyq jarystarda joǵarǵy nátıje kórsetken sportshylardy tárbılegen bapkerlerdiń syıaqy mólsheri kóbeıedi.

Budan bulaı Qazaqstannyń namysyn baıraqty básekelerde qorǵap,top jarǵan árbir sportshyny tárbılegen bapkerdiń de syıaqy kólemi artatyn bolady. Mundaı qaýlyny búgin QR Úkimeti shyǵardy.

Endi elimizde Olımpıada oıyndarynyń chempıonyn tárbılep shyǵarǵan árbir bapker 250000 AQSH dollaryn, Olımpıada oıyndarynyń kúmis júldesin enshilegen sportshynyń bapkeri 150000 AQSH dollaryn, qola medal enshilegen sportshynyń jattyqtýryshysy – 75000 AQSH dollar, 4-oryn úshin – 30000 AQSH dollar, 5-oryn úshin – 10000 AQSH dollar, 6-oryn úshin – 5000 AQSH dollar kóleminde syıaqy alady.

Paralımpıadalyq jáne Sýrdlımpıadalyq oıyndarda top jarǵan sportshyny tárbılegen maman 50000 AQSH dollar, kúmis medal úshin – 35000 AQSH dollar, qola medal úshin – 25000 AQSH dollar, 4-oryn úshin – 14000 AQSH dollar, 5-oryn úshin – 6000 AQSH dollar, 6-oryn úshin – 4000 AQSH dollary kóleminde Úkimet tarapynan syıaqy usynylady.

Al, Olımpıadalyq sport túrlerinen álem chempıonattarynda jeńiske jetken sportshynyń tálimgeri 15000 AQSH dollar, kúmis medal úshin – 7000 AQSH dollar, qola medal úshin – 5000 AQSH dollaryn alsa, Olımpıadalyq emes sport túrlerinde álem birinshilikterinde úzdikterdiń qatarynan kóringen sportshynyń bapkeri altyn medal úshin – 2300 AQSH dollaryn, kúmis medal úshin – 1800 AQSH dollaryn, qola medal úshin – 1100 AQSH dollaryn alady.

Azıa oıyndarynda shákirti altyn alyp jatsa, onda jattyqtyrýshy 10000 AQSH dollar, kúmis medal úshin – 5000 AQSH dollar, qola medal úshin – 3000 AQSH dollar alsa, shynyqtyrǵan serisi Dúnıejúzilik Ýnıversıadada birinshi oryn alǵany úshin bapker15000 AQSH dollar, ekinshi oryn alsa - 10000 AQSH dollar, úshinshi oryn úshin 5000 AQSH dollaryn qaltasyna basady.

Olımpıadalyq sport túrlerinen Azıa birinshilikterinde altyn medal úshin – 2300 AQSH dollar, kúmis medal úshin – 1400 AQSH dollar, qola medal úshin – 900 AQSH dollar bolsa, jastar arasyndaǵy álem chempıonattarynda (olımpıadalyq sport túrlerinen) altyn medal úshin – 3500 AQSH dollar, kúmis medal úshin – 2300 AQSH dollar, qola medal úshin – 1100 AQSH dollary, álem rekordyn ornatqany úshin (olımpıadalyq sport túrlerinen) – 5000 AQSH dollar beriletin bolady. Sondaı-aq eresekter arasyndaǵy Olımpıadalyq sport túrlerine kiretin árbir sportshy álem rekordynyń murtyn buzatyn bolsa bapkerine 3 000 AQSH dollary beriledi.

Aıta keteıik, atalmysh qaýly resmı jarıalanǵan kúnnen bastap on kún ótkennen soń óz kúshine enetin bolady. Tengrinews.kz