Májilistiń Áleýmettik-mádenı damý komıtetiniń tóraıymy Gúlnara Yqsanovanyń  jetekshiligindegi kezekti keńeıtilgen komıtet otyrysy ótti. Onyń jumysyna Májilis Tóraǵasynyń orynbasary Darıǵa Nazarbaeva qatysty.

Inovasıalyq sıfrlyq bilim berý Mozaik Education sheshiminiń tusaýkeseri (Vengrıa) jáne Qazaqstan Respýblıkasynyń bastaýysh bilim berýdiń memlekettik jalpyǵa mindetti standart jobasynyń tanystyrylymyn jasady.  «Mozaik Education» (Vengrıa) kompanıasynyń atqarýshy dırektorynyń orynbasary Peter Toroktyń «Mektep únemi ózgermeli álemde tabysty bolýǵa qabiletti adamdy daıyndaýǵa talpynys jasaıdy»,-dep Garvard ýnıversıtetiniń (AQSH) profesory Tonı Vagnerdiń  sózimen bastap, aǵylshyn tilinde baıandama jasady.

Qoldanystaǵy bilim berý júıesiniń negizgi kemshilikteri nede? Bilim berý mazmuny: muǵalimniń daıyn aqparatty oqýshyǵa berýi; oqýshynyń pánder boıynsha bilim, bilik jáne daǵdylardy qarapaıym deńgeıde meńgerýge baǵdarlanýy.

Oqý úderisindegi ózara qyrym-qatynas: muǵalim men oqýshy arasyndaǵysýbekti-obektilik qarym-qatynastyń basymdyǵy, muǵalim men oqýlyqty aqparattyń negizgi kózi retinde ǵana qabyldaıtyn oqýshynyń enjar róli:

Oqytý nátıjeleri: oqýshy áreketiniń reprodýktıvti deńgeıi, oqýshylardyń meńgergen pándik bilimi, biliktiligi jáne daǵdylarynyń sanyn baǵalaý.

Orta bilim berý mazmuny nelikten jańartylýy kerek?

Sarapshylardyń pikiri boıynsha: birinshi sebep – ekonomıkalyq. Balalardyń ómirde óz ornyn tabýǵa úıretý kerek.

Ekinshi sebep – mádenı. Balalardyń óz ultyna tán sezimin damytýǵa úıretý kerek.

Osylardy eskere otyryp Bilim jáne ǵylym mınıstrligi «Nazarbaev Zıatkerlik mektepteri» DBBU Y.Altynsarın atyndaǵy Ulttyq bilim akademıasymen jasaǵan Qazaqstan Respýblıkasynyń memlekettik jalpyǵa mindetti bastaýysh bilim berý standartynyń  jobasyn jasady.

Tanystyrylym barysynda Qazaqstan Respýblıkasy Bilim

jáne ǵylym vıse-mınıstri E. Imanǵalıev, «H.Jumatov atyndaǵy gıgıena jáne epıdemıologıa ǵylymı ortalyǵy» respýblıkalyq memlekettik qazynalyq kásiporny dırektorynyń orynbasary L. Oraqbaı,  Abaı atyndaǵy Qazaq Ulttyq pedagogıkalyq ýnıversıtetiniń profesory, pedagogıka ǵylymdarynyń doktory  Á. Ámirova jáne  Qazaqstan pedagogıkalyq ǵylymdar Akademıasynyń  prezıdenti, pedagogıka ǵylymdarynyń doktory                                   A. Qusaıynovtar oılaryn ortaǵa saldy.