Jaqyn arada «Ara» jýrnalynyń jumysy jandanady.  «Nur Otan» partıasy Tóraǵasynyń birinshi orynbasary Baýyrjan Baıbek «Aıqyn» gazetine bergen suhbatynda osylaı dedi.

   «Esterińizde bolsa, sonaý 50-shi jyldary ashylǵan bul jýrnal bertinge deıingi aralyqta qoǵam múddesine qaıshy, onyń ishinde jemqorlyqty, jeń ushynan jalǵasý úrdisin, rýǵa bólinýdi, jershildikti jáne sol sıaqty keseldi qylyqtardy aıaýsyz synǵa alyp, ájýalaı bilgen basylym», - dep atap ótti B.Baıbek. Sondaı-aq, ol alǵashynda «Aranyń» «Aıqyn» gazetine qosymsha retinde aıyna bir ret shyǵarylmaq bolǵanyn da jetkizdi. «Osy joba boıynsha usynys jasaǵan Kópen Ámirbek aǵamyzdy qoldadyq. Iaǵnı, bul iske atsalysýǵa «Kópen de kele jatyr» - dep túıindedi partıa Tóraǵasynyń birinshi orynbasary. Aıta keteıik, suhbat barysynda saıasatker partıanyń sybaılas jemqorlyqqa qarsy jańa baǵdarlama ázirlep jatqanyn da keńinen áńgimeledi.