Aqmola oblysyndaǵy Atbasar qalasynda 120 úıdi sý basty dep habarlaıdy tótenshe jaǵdaılar mınıstrligi. Mınıstrliktiń dereginshe, 7-8 sáýirde aýa temperatýrasynyń 14 gradýsqa deıin jylynýynan Atbasar jáne Jaqsy aýdandary aýmaǵynda qar erip, Atbasar men onyń mańaıyndaǵy bes kóshede 120 úıdi sý basqan. Qazir qar sýynyń deńgeıi túspeı tur. Sý basqan aımaqtan 79 turǵyn kóshirilgen. Tótenshe jaǵdaı bólimi men jergilikti ákimdik qyzmetkerleri sý basqan aımaqty sholyp shyqqan. Sý basqan úılerden sýdy shyǵarý, qutqarý jumystaryn júrgizý úshin Aqmola, Qaraǵandy oblystarynyń tótenshe jaǵdaılar qyzmetiniń bólimsheleri jumyldyrylǵan. Qazir zardap shekken úılerdi tekserip, shyǵyn mólsherin esepteıtin komısıa, medısınalyq jáne psıhologıalyq kómek berý pýnkteri qurylǵan.