Túrkıa quqyq qorǵaý organdary bılikti basyp alýdy kózdedi degen kúdikti Fethýllah Gúlenniń týystaryn tutqyndaı bastady. Erdoǵan bıligi Gúlenniń týysy, telejúrgizýshi ári advokat Kemal Gúlendi tutqyndady, - dep habarlaıdy Qamshy.kz baq.kz - ke silteme jasap.

Túrkıalyq Hürriyet gazetiniń jazýynsha, advokatty memlekettik tóńkeris oqıǵasynan beri Kastamon provınsıasyndaǵy bir aýylda týysqanynyń úıinde tyǵylyp jatqan jerinen ustalyp, terorızmke qarsy óńirlik qaýipsizdik bólimine jetkizilgen.

Sonymen qatar, Kemal Gúlen Fethýllah Gúlenge tıesili medıaholdıngterdiń birine tıesili Samanyolu telearnasynda júrgizýshi qyzmetin atqara júrip, aǵasyna advokat bolǵan.

Bul Gúlender áýletindegi alǵashqy tutqyn emes. Budan buryn da Gúlenniń taǵy bir týysqany Abdýlla Korýdjýk prokýratýranyń talap etýimen temir torǵa qamalǵan edi.